જાણો ભારતના આ જાણીતા ટુરિસ્ટ ડેસ્ટિનેશન વિષે: જ્યાં છે સુંદરતાનો ભંડાર

• લોકોમાં ફરવા માટે સૌથી પોપ્યુલર ડેસ્ટિનેશન્સનો મોહ

• ધરતી પરના સ્વર્ગ કાશ્મીરના નાનકડા ગામ હેમિસ પર્યટન માટેનું પોપ્યુલર સ્થળ

• ગુજરાતથી લઈ કાશ્મીર અને કેરળ સુધીના સૌથી પોપ્યુલર ફરવા લાયક સ્થળો

જો તમે પણ એવું કોઈ સ્થળ શોધતા હો જ્યાં ભીડ ઓછી હોય અને જોવા માટે કંઈક નવું હોય તો અહીં તમને ભારતના એવા સ્થળો વિશે જણાવીશું જ્યાં ખૂબ ઓછી સંખ્યામાં લોકો ફરવા માટે જાય છે. ગુજરાતથી લઈ કાશ્મીર અને કેરળ સુધી એવા કેટલાય સ્થળો છે જ્યાં જતાં પ્રવાસીઓની સંખ્યા ઓછી છે.મોટાભાગના લોકો ફરવા જવાનું હોય તો સૌથી પોપ્યુલર ડેસ્ટિનેશન્સને પસંદ કરે છે પછી ભલે એ સ્થળો આપણાં દેશના હોય કે વિદેશના. ભારતમાં પણ જાણીતા ટુરિસ્ટ ડેસ્ટિનેશન પર પ્રવાસીઓની ભારે ભીડ જોવા મળે છે. પરંતુ દેશના ઘણાં સ્થળો એવા છે જ્યાં ખૂબ ઓછા લોકો ફરવા ગયા છે અને આ જગ્યાઓ સુંદરતાનો ભંડાર છે. તમે પણ નેક્સ્ટ ટ્રીપ માટે એવા સ્થળની શોધમાં હો જ્યાં ભીડ ઓછી હોય અને જોવા માટે કંઈક નવું હોય તો અહીં તમને ભારતની એવી જગ્યાઓ વિશે જણાવીશું જ્યાં ફરવા જતાં લોકોની સંખ્યા ઓછી છે. ગુજરાતથી લઈ કાશ્મીર અને કેરળ સુધી એવા કેટલાય સ્થળો છે જ્યાં જતાં પ્રવાસીઓની સંખ્યા ઓછી છે.

• બૂંદી, રાજસ્થાન:

રાજસ્થાનમાં જ્યાં કિલ્લાઓ અને મહેલો હોય તેવા સ્થળો વિશે ચોક્કસથી જાણતાં હશો અને મુલાકાત પણ લીધી હશે. પરંતુ આ રાજ્યનું એક એવું સ્થળ પણ છે જે અરવલ્લી પર્વતમાળાથી ઘેરાયલું અને વનસ્પતિની સુંદરતા માટે જાણીતું છે. આ સ્થળે સુંદર વાસ્તુકળા તો છે સાથે ગામડું હોવાથી ખૂબ શાંતિ પણ છે. રાજસ્થાન પ્રવાસ દરમિયાન તમે બૂંદીની મુલાકાત લઈ શકો છો. આ ભારતની સૌથી સુંદર જગ્યાઓમાંથી એક છે.

• ચાંપાનેર, ગુજરાત:

આજ સુધી ગુજરાતના કેટલાય સ્થળોની મુલાકાત લીધી હશે પરંતુ ચાંપાનેર ના ગયા હો તો જલદી જ ફરવાનું પ્લાનિંગ કરી લેજો. વાસ્તુકળામાં રસ ધરાવતાં લોકો માટે આ સ્થળ સારું ગણાય છે. ચાંપાનેર વડોદરાથી 60 મિનિટના અંતરે આવેલું છે. જણાવી દઈએ કે, ચાંપાનેર પહેલા ગુજરાતની રાજધાની હતું. અહીં તમને હિન્દુ અને મુસ્લિમ સ્થાપત્ય ડિઝાઈનથી બનેલા શાનદાર સ્મારકો જોવા મળશે.

• પોનમુડી, કેરળ

કેરળની રાજધાની તિરુવનંતપુરમથી માત્ર ત્રણ કલાકના અંતરે પોનમુડી આવેલું છે. આ એક હિલ સ્ટેશન છે જ્યાં તમને કેટલીય દુર્લભ વનસ્પતિઓ અને જીવના દર્શન કરાવશે. આ ટ્રીપને યાદગાર બનાવવા માટે અહીં કેટલીક એડવેન્ચરસ વસ્તુઓ પણ કરી શકો છો. ઓફબીટ જગ્યા પર ફરવા અને ભીડભાડથી દૂર જવું હોય તો અહીંની મુલાકાત લેવી જોઈએ.

• માંડુ, મધ્યપ્રદેશ

આ સ્થળ કેટલાય શાનદાર ખંડેરોનું ઘર છે. આ જગ્યાના દરેક ભાગમાં ઈતિહાસ વસેલો છે. જે લોકો ભારતનો ઈતિહાસ જાણવામાં રસ ધરાવે છે તેમણે આ સ્થળની મુલાકાત ચોક્કસથી લેવી જોઈએ. અહીંની રહસ્યમય વાર્તાઓ તમને વિચારતાં કરી મૂકશે. માંડુ મનને પસંદ આવી જાય તેવી સ્થાપત્યોની ડિઝાઈન સાચવીને બેઠેલું સ્થળ છે.

• ખજ્જિયાર, હિમાચલપ્રદેશ

ખજ્જિયાર ડેલહાઉસી પાસે આવેલું એક નાનું પણ સુંદર સ્થળ છે. આ શહેરને ‘ભારતનું મિનિ સ્વીત્ઝરલેન્ડ’ પણ કહેવાય છે. અહીંની મનોરમ સુંદરતાનો અનુભવ જિંદગી પર યાદ રહેશે. ઉપરાંત અહીં પડાવેલા ફોટો જીવનભર નિહાળ્યા કરશો. અહીં ખૂબસૂરત સરોવર પણ છે તેની મુલાકાત લેવાનું ના ચૂકશો. ખજ્જિયાર એડવેન્ચર એક્ટિવિટીઝ માટે પણ પ્રખ્યાત છે.

• હેમિસ, જમ્મુ-કાશ્મીર

હેમિસ જમ્મુ-કાશ્મીરનું નાનકડું ગામ છે જે લેહથી 4 કિલોમીટર દૂર દક્ષિણ-પૂર્વ દિશામાં આવેલું છે. સ્થાનિક લોકો સાથે વાતચીત કરીને અહીં રજાઓ ગાળી શકો છો. અહીંના સુંદર નજારાનું આંખથી રસપાન કરવાની સાથે કાયમી સંભારણા રૂપે મોબાઈલાના કેમેરામાં પણ કેદ કરી શકો છો. જમ્મુ-કાશ્મીરના અન્ય સ્થળોની જેમ આ ગામમાં ખાસ ભીડ જોવા નથી મળતી. તમે જમ્મુ-કાશ્મીરના વધુ ન જોયેલા સ્થળોની મુલાકાત લેવા માગતા હો તો હેમિસ ચોક્કસથી જજો.