વોટ્સએપમાં એક નહિ ત્રણ ત્રણ નવા અપડેટ આવી રહ્યા છે! ગ્રુપ મેમ્બરથી લઇ ચેટ બેકઅપ સુધીના શું નવા ફીચર્સ છે તે જાણો

• વોટ્સએપ લાવી રહ્યું છે નવા ફીચર્સ

• વોટ્સએપ ગ્રુપમાં હવે 512 લોકોને કરી શકશો એડ

• નવું અપડેટ ઘણા ફોનમાં કાર્યરત પણ થઇ ગયું

આજના ડિજિટલ યુગમાં લોકો સોશિયલ મોડિયાનો મોટા પ્રમાણમાં ઉપયોગ કરી રહ્યા છે. ત્યારે વોટ્સએપ, ગુગલ જેવી કંપનીઓ પોતાના ગ્રાહકોને વિવિધ સુવિધાઓ આપી રહ્યા છે. ત્યારે વોટ્સએપે એક નવા ફીચરને લઈને અપડેટ્સ રિલીઝ કરવાનું શરૂ કર્યું છે. રિપોર્ટ અનુસાર, નવા અપડેટ સાથે યુઝર્સને વોટ્સએપ ગ્રુપમાં 512 લોકોને એડ કરવાનો વિકલ્પ મળવા લાગ્યો છે. મેટાએ ગયા મહિને આ ફીચરની જાહેરાત કરી હતી. નવા અપડેટ સાથે, ગ્રુપમાં 512 લોકોને ઉમેરવા ઉપરાંત, 2GB સુધીની ફાઇલો શેર કરવા માટે એક અપડેટ પણ પ્રાપ્ત થયું છે. આ સિવાય ઈમોજી રિએક્શનનું અપડેટ પણ આવી ગયું છે. WhatsApp એક નવા Andoo ફીચરનું પણ પરીક્ષણ કરી રહ્યું છે.

આ નવા ફીચરની મદદથી તમે મોકલેલા કોઈપણ મેસેજને એડિટ કરી શકશો.રિપોર્ટ અનુસાર, ઘણા યુઝર્સને ગ્રુપમાં 512 લોકોને એડ કરવાનો વિકલ્પ મળ્યો છે અને ઘણાને તે આગામી 24 કલાકમાં મળી જશે. આ સિવાય અત્યારે વોટ્સએપ દ્વારા માત્ર 100MB ફાઇલ શેર કરી શકાય છે પરંતુ ટૂંક સમયમાં તેની લિમિટ 2GB થવાની છે. વોટ્સએપ અન્ય એક નવા ફીચર પર કામ કરી રહ્યું છે, જેના પછી યુઝર્સ ગૂગલ ડ્રાઇવના ચેટ બેકઅપને અન્ય કોઈ સર્વર અથવા ડિવાઇસ પર એક્સપોર્ટ પણ કરી શકશે. નવા અપડેટ પછી, તમે તમારી Google ડ્રાઇવ પર સંગ્રહિત ચેટ્સને પેનડ્રાઈવમાં સેવ પણ કરી શકશો. હાલમાં, WhatsApp તેના બિઝનેસ યુઝર્સ માટે નવા ફીચરનું પરીક્ષણ કરી રહ્યું છે. વ્હોટ્સએપે આ ફીચર બિઝનેસ એકાઉન્ટ હોલ્ડર્સને આપ્યું છે જેથી કરીને એક જ એકાઉન્ટનો બહુવિધ ઉપકરણો પર ઉપયોગ કરતી વખતે ચેટ અને કોન્ટેક્ટમાં કોઈ સમસ્યા ન થાય.