સૂર્યકુમારે તોડ્યો ‘વિરાટ’ રેકોર્ડ, પહેલીવાર કોઈ ભારતીયે કર્યું આ કામ

ભારતના વિસ્ફોટક બેટ્સમેન સૂર્યકુમાર યાદવે ગયા વર્ષે ઘણા મોટા T20 રેકોર્ડ તોડ્યા હતા. તે આ ફોર્મેટનો નંબર વન બેટ્સમેન બન્યો. હવે નવા વર્ષમાં સૂર્યકુમારે વધુ એક અદભૂત કારનામું કર્યું છે. તેણે એવો રેકોર્ડ પોતાના નામે કર્યો છે જે આજ સુધી અન્ય કોઈ ભારતીય બેટ્સમેન નથી કરી શક્યો.

તાજેતરમાં ICC T20 રેન્કિંગ બહાર પાડવામાં આવ્યું હતું. સૂર્યકુમાર આ રેન્કિંગમાં પ્રથમ સ્થાને યથાવત છે. જોકે આ વખતે તેના રેટિંગ પોઈન્ટ 908 છે. સૂર્યા T20 રેન્કિંગમાં 900 રેટિંગ પોઈન્ટ મેળવનાર પ્રથમ ભારતીય બેટ્સમેન છે. અગાઉ, વિરાટ કોહલી T20 રેન્કિંગમાં સૌથી વધુ (897) પોઈન્ટ સાથે ભારતીય ખેલાડી હતો (સૂર્ય કુમાર યાદવ ટ્વિટર)

બીજી તરફ, સૂર્યા આ કારનામું કરનાર વિશ્વનો ત્રીજો બેટ્સમેન છે. તેના પહેલા ઈંગ્લેન્ડના સ્ટાર બેટ્સમેન ડેવિડ મલાન અને ઓસ્ટ્રેલિયાના પૂર્વ કેપ્ટન એરોન ફિન્ચ 900થી વધુ રેટિંગ પોઈન્ટ મેળવવામાં સફળ રહ્યા છે. (સૂર્ય કુમાર યાદવ ટ્વિટર)

સૂર્યકુમારે તાજેતરમાં જ શ્રીલંકા સામેની નિર્ણાયક મેચમાં સદી ફટકારી હતી. તેણે 51 બોલમાં 112 રન બનાવ્યા હતા. તેની ઇનિંગમાં સાત ચોગ્ગા અને 9 છગ્ગાનો સમાવેશ થાય છે. સૂર્યકુમારના કારણે જ ભારત ઘરઆંગણે પોતાની પ્રતિષ્ઠા બચાવવામાં સફળ રહ્યું હતું. (સૂર્ય કુમાર યાદવ ટ્વિટર)

સૂર્યા ભલે T20માં ધમાકેદાર હોય પરંતુ હજુ પણ તે ODI ફોર્મેટમાં પોતાનું કાયમી સ્થાન બનાવી શક્યો નથી. સદી ફટકારવા છતાં સૂર્યકુમાર યાદવને શ્રીલંકા સામેની પ્રથમ વનડેમાં તક આપવામાં આવી ન હતી.(સૂર્ય કુમાર યાદવ ટ્વિટર)