સ્મૃતિ મંધાનાની ઇનિંગે સુપર ઓવરના રોમાંચમાં ભારતને જીતાડ્યું, હવે રેન્કિંગમાં પણ છલાંગ લગાવી

ભારતની ઓપનર સ્મૃતિ મંધાનાએ મંગળવારે જારી કરાયેલી બેટ્સમેનોની તાજેતરની ICC મહિલા T20I રેન્કિંગમાં કારકિર્દીના સર્વશ્રેષ્ઠ 741 પોઈન્ટ સાથે ત્રીજું સ્થાન જાળવી રાખ્યું છે. બીજી તરફ ઓસ્ટ્રેલિયાની તાહલિયા મેકગ્રા 827 પોઈન્ટ સાથે પ્રથમ સ્થાન પર છે. તેની દેશબંધુ બેથ મૂની 773 રેટિંગ પોઈન્ટ સાથે બીજા સ્થાને છે.

ઓસ્ટ્રેલિયા સામેની બીજી T20Iમાં પ્લેયર ઓફ ધ મેચ રહેલી સ્મૃતિ મંધાનાને 11 રેટિંગ પોઈન્ટ મળ્યા હતા. આની મદદથી તે કારકિર્દીની શ્રેષ્ઠ રેન્કિંગ હાંસલ કરવાના સીમાચિહ્ન સુધી પહોંચવામાં સફળ રહી છે. મુંબઈમાં ભારત સામે ચાલી રહેલી પાંચ મેચોની T20I શ્રેણીની પ્રથમ બે મેચમાં તેના શાનદાર પ્રદર્શન બાદ ઓસ્ટ્રેલિયાની તાહલિયા મેકગ્રા રેન્કિંગમાં નવો નંબર 1 છે.

મેકગ્રા નંબર વન બનનાર 12મો ખેલાડી

27 વર્ષીય તાહલિયા મેકગ્રાએ પ્રથમ બે T20 મેચમાં 40 અને અણનમ 70 રન બનાવ્યા હતા. દેશબંધુ મેગ લેનિંગ અને બેથ મૂનીની સાથે, મંધાના મહિલા ટી20 રેન્કિંગમાં ટોચ પર રહેનારી ચોથી ઓસ્ટ્રેલિયન અને 12મી બેટ્સમેન બની.

શેફાલી વર્મા અને જેમિમા રોડ્રિગ્સ પણ ટોપ 10માં છે

નોંધનીય છે કે ભારતની ઓપનર શેફાલી વર્મા 18 મેચ બાદ ટોપ 10માં સ્થાન મેળવવામાં સફળ રહી છે. આ સાથે જ જેમિમા રોડ્રિગ્સે પણ ટોપ ટેનમાં જગ્યા બનાવી લીધી છે. બંને ભારતીય બેટ્સમેન, શફાલી અને જેમિમાહ રોડ્રિગ્સ ટોપ 10 T20I બેટ્સમેનોની યાદીમાં અનુક્રમે છઠ્ઠા અને નવમા ક્રમે છે.