આ છે ભારતનું ઊંધું ગામ જ્યાં ઉંધા ફેરા લેવાય છે

• છત્તીસગઢમાં ઘડિયાળો જમણેથી ડાબે ચાલે છે

• ગોંડ આદિવાસી સમુદાય ઘડિયાળને  વિરુદ્ધ દિશામાં ઉપયોગ કરે છે.

• 29 સમુદાયના લોકો પણ ગોંડવાના ઘડિયાળને અનુસરે છે.

દુનિયામાં ચાલતી તમામ ઘડિયાળોની દિશા ડાબેથી જમણે હોય છે. બાર વાગ્યા પછી એક, પછી બે અને પછી ત્રણ. પરંતુ ભારતના છત્તીસગઢમાં એક એવું ગામ છે જ્યાં ઘડિયાળો જમણેથી ડાબે ચાલે છે. આ ગામમાં જ્યારથી ઘડિયાળ આવી છે ત્યારથી તમામ ઘડિયાળો એ જ રીતે ઘડિયાળની વિરુદ્ધ દિશામાં ચાલે છે. આ જગ્યા પર ગોંડ આદિવાસી સમુદાય છે જે છત્તીસગઢના કોરબા પાસે આદિવાસી શક્તિપીઠ સાથે સંકળાયેલો છે. તેઓ હંમેશા ઘડિયાળની વિરુદ્ધ દિશામાં ઉપયોગ કરે છે.

ઘડિયાળના કાંટાના ઉપયોગ અંગે આદિવાસીઓએ જણાવ્યું હતું કે તેમની પોતાની ઘડિયાળ બરાબર ચાલે છે. સમુદાયે તેની ઘડિયાળનું નામ ગોંડવાના ટાઈમ રાખ્યું છે. સમુદાય નાં લોકો  કહે છે કે પૃથ્વી જમણેથી ડાબે ફરે છે. આ સાથે ચંદ્રથી લઈને સૂર્ય અને તારાઓ પણ આ દિશામાં પરિભ્રમણ કરે છે. આ ઉપરાંત તળાવમાં પડતું વમળ પણ આ દિશામાં ફરે છે. આ જ કારણ છે કે લોકોએ ઘડિયાળની દિશા આ દિશામાં રાખી છે.

ગોંડ સમુદાયના લોકો સિવાય, અન્ય 29 સમુદાયના લોકો પણ ગોંડવાના ઘડિયાળને અનુસરે છે. આદિવાસીઓનું કહેવું છે કે પ્રકૃતિનું ચક્ર જે દિશામાં ચાલે છે, તેમની ઘડિયાળ એ જ દિશામાં ચાલે છે. આદિવાસી સમુદાયના આ લોકો મહુઆ, પારસા અને અન્ય વૃક્ષોની પૂજા કરે છે. છત્તીસગઢના આ વિસ્તારમાં લગભગ દસ હજાર પરિવારો રહે છે. આ બધા લોકો ઉલટી ઘડિયાળને અનુસરે છે.