પ્રધાનમંત્રી મોદી મહારાષ્ટ્રમાં કરશે રોડ પ્રોજેક્ટનું ઉદ્ઘાટન અને ભેટ આપશે વંદે ભારત ટ્રેન

વડા પ્રધાન નરેન્દ્ર મોદી આજે એટલે કે શુક્રવારે મુંબઈમાં છત્રપતિ શિવાજી મહારાજ ટર્મિનસ ખાતે બે વંદે ભારત ટ્રેન મુંબઈ-સોલાપુર અને મુંબઈ-સાઈનગર શિરડીને લીલી ઝંડી આપશે. તેઓ બે રોડ પ્રોજેક્ટ્સ – સાંતાક્રુઝ ચેમ્બુર લિંક રોડ અને કુરાર અંડરપાસ પ્રોજેક્ટનું પણ ઉદ્ઘાટન કરશે.

લોકોને વંદે ભારત દ્વારા મુસાફરી કરવાની સુવિધા મળશે

• પીએમ મોદી દ્વારા જે બે વંદે ભારત એક્સપ્રેસ ટ્રેનને લીલી ઝંડી બતાવાશે તે યાત્રાધામોની યાત્રાને સરળ બનાવશે.
• મુંબઈ-સાઈનગર શિરડી વંદે ભારત ટ્રેન દેશની 10મી વંદે ભારત ટ્રેન હશે.
• આ ટ્રેન મહારાષ્ટ્રના નાસિક, ત્ર્યંબકેશ્વર, સાઈનગર શિરડી, શનિ શિંગણાપુર જેવા મહત્વના તીર્થસ્થાનોની યાત્રા કરશે.
• મુંબઈથી સોલાપુર વચ્ચે વંદે ભારત એક્સપ્રેસ મહત્વના તીર્થસ્થાનો જેવા કે સિદ્ધેશ્વર, સોલાપુર નજીક અક્કલકોટ, તુલજાપુર, પંઢરપુર અને પૂણે નજીક આલંદી સુધીની મુસાફરીની સગવડ આપશે.