પાકિસ્તાન ભડકે બળ્યું! ઈમરાનના સમર્થકોએ આઝાદી માર્ચ દરમિયાન મેટ્રો સ્ટેશન ફૂંકી માર્યું

• પાડોશી દેશ  પાકિસ્તાનમાં ગૃહયુદ્ધ જેવી સ્થિતિ

• ઈમરાન ખાનના સમર્થકોએ ઈસ્લામાબાદમાં મેટ્રો સ્ટેશનને આગ ચાંપી કરી

•  ઈમરાનખાનના સમર્થનમાં હજારો સમર્થકો આઝાદી માર્ચમાં જોડાયા

પાકિસ્તાન વિરોધની આગમાં સળગી રહ્યું છે. શાહબાઝ સરકાર વિરુદ્ધ ઈમરાન ખાનનો પ્રહાર ચાલુ છે. નવી ચૂંટણીની માંગ સાથે પાકિસ્તાનના પૂર્વ વડાપ્રધાન ઈમરાન ખાનની આઝાદી માર્ચ ઈસ્લામાબાદ પહોંચી હતી. હજારોની સંખ્યામાં એકત્ર થયેલ પીટીઆઈ સમર્થકોનો આ મેળાવડો જ્યારે મોડી રાત્રે પાકિસ્તાનની રાજધાનીમાં પ્રવેશ્યો ત્યારે ત્યાં લાંબો જામ થયો હતો.
જો કે, પ્રવેશ પહેલા ઘણી હિંસા થઈ હતી. ઈમરાન ખાનના સમર્થકોએ ઈસ્લામાબાદમાં મેટ્રો સ્ટેશનને આગ ચાંપી દીધી હતી. આ પછી ત્યાં આગની ઉંચી જ્વાળાઓ જોવા મળી હતી.

બુધવારે પાકિસ્તાનના અલગ-અલગ શહેરોમાંથી આવી જ કેટલીક તસવીરો સામે આવી છે.ઈમરાન ખાનની પાર્ટી પીટીઆઈના હજારો સમર્થકો કરાચી હોય કે લાહોર હોય માંગ કરવા માટે રસ્તા પર ઉતરી આવ્યા હતા. પરંતુ સત્તામાં રહેલી શાહબાઝ સરકાર આ ઉશ્કેરાટમાંથી પસાર થઈ હતી. ઈમરાન ખાનના સમર્થકોને રોકવા માટે ભારે પોલીસ બંદોબસ્ત ગોઠવવામાં આવ્યો હતો. ટીયર ગેસના શેલ છોડવામાં આવ્યા, લાઠીચાર્જ કરવામાં આવ્યો. જવાબમાં નારાજ સમર્થકોએ પણ પથ્થરમારો કર્યો હતો. બીજી બાજુ સેંકડો કાર્યકરોની ધરપકડ પણ કરવામાં આવી હતી.