કેરળ વિધાનસભાની નવી પહેલ, સ્પીકર અને ડેપ્યુટી સ્પીકરની ગેરહાજરીમાં મહિલાઓ કરશે કાર્યવાહી

કેરળ વિધાનસભામાં એક નવી અને ઐતિહાસિક પહેલ કરવામાં આવી રહી છે. ગૃહના ઈતિહાસમાં પ્રથમ વખત સ્પીકર અને ડેપ્યુટી સ્પીકરની ગેરહાજરીમાં મહિલા ધારાસભ્યો કાર્યવાહીની અધ્યક્ષતા કરશે. આ માટે મહિલા ધારાસભ્યોની કમિટી બનાવવામાં આવી છે.

આ ઐતિહાસિક નિર્ણય સ્પીકર એ.કે. એન. શમશીરની અધ્યક્ષતામાં મળેલી બેઠક બાદ લેવામાં આવી હતી. શમશીરે એમબી રાજેશના સ્થાને સ્પીકરનું પદ સંભાળ્યું છે. શમશીરે મહિલા પ્રમુખોની સમિતિ બનાવવાનો પ્રસ્તાવ મૂક્યો. આ પછી, શાસક ડાબેરી ગઠબંધન એલડીએફએ બે મહિલા ધારાસભ્યો અને વિપક્ષ યુડીએફએ એકનું નામ સૂચવ્યું.

મહિલા ધારાસભ્યોની ત્રણ સભ્યોની સમિતિમાં સીપીઆઈના આશા સીકે, સીપીઆઈ(એમ)ના યુ પ્રતિભા અને રિવોલ્યુશનરી માર્ક્સિસ્ટ પાર્ટીના કેકે રીમાનો સમાવેશ થાય છે. ત્રણેય યુડીએફ ઘટકોના ધારાસભ્યો છે. સામાન્ય રીતે આવી સમિતિમાં એક મહિલા સભ્ય હોય છે.

પ્રથમ કેરળ વિધાનસભાથી લઈને વર્તમાન 7મી વિધાનસભા સુધી આવી સમિતિઓમાં કુલ 515 સભ્યો સામેલ થયા છે. તેમાંથી માત્ર 32 મહિલા ધારાસભ્યોને આ સમિતિમાં તક મળી છે. ગૃહમાં કોંગ્રેસ તરફથી ઉમા થોમસ ધારાસભ્ય છે, પરંતુ તેમના હોવા છતાં યુડીએફએ રીમાનું નામ સૂચવ્યું.