શ્રીકષ્ટભંજન દેવ હનુમાનજી દાદાને શરદ પૂનમ પર્વ નિમિત્તે સફેદ ગુલાબના ફૂલોના શણગાર શણગાર્યા

દેશ અને દુનિયામાં સુપ્રસિધ્ધ સાળંગપુરધામમાં બિરાજમાન શ્રી કષ્ટભંજન દેવ હનુમાનજીદાદાને શરદપૂનમના પર્વ નિમિતે સફેદ ફૂલોના શણગારથી શણગાર્યુ હતુ. દાદાના સિહાસને 200 કિલો સફેદ ફૂલોના શણગારથી સજાવવામાં આવ્યુ હતુ. આ સફેદ ફૂલો અમરેલીથી લાવવામાં આવ્યા હતા. આ શણગારમાં 6 સંતો, પાર્ષદો અને ભક્તો દ્વારા શણગાર કરવામાં આવ્યો હતો.

સ્વામિનારાયણ મંદિર વડતાલધામ સંચાલિત યાત્રાધામ સાળંગપુરમાં બિરાજમાન શ્રી કષ્ટભંજન દેવ દાદા આજના કળિયુગમાં હાજરા હાજૂર દેવ તરીકે ગણવામાં આવે છે. આ મહિમાને લઇ દરરોજ હજારોની સંખ્યામાં ભાવિક ભક્તો દેશ-વિદેશથી આવે છે. શરદ પૂનમ પર્વને લઇ પ.પૂ. શાસ્ત્રી સ્વામી હરિપ્રકાશદાસજીની પ્રેરણાથી અને કોઠારી વિવેકસાગર સ્વામીના માર્ગદર્શનથી દાદાને શણગાર કરવાનો આયોજન કરવામાં આવ્યુ હતુ.

માત્ર શરદ પૂનમે જ દાદાને શણગાર કરવામાં આવતો નથી, પરંતુ દર પૂનમે શ્રી કષ્ટભંજન દેવ દાદાનો વિશેષરૂપે શણગાર કરવામાં આવે છે. આ વખતની પૂનમે સફેદ ફૂલોના શણગાર કરી ભાવિક ભક્તોને દાદાના દર્શન લાભ મળ્યો હતો.

પૂનમ નિમિત્તે સાંજે 05:30 કલાકે શ્રી કષ્ટભંજનદેવ દાદાનું દિવ્ય ષોડશોપચાર પૂજનનું આયોજન કરવામાં આવ્યું હતુ. દાદાને  દિવ્ય  શણગાર સાથોસાથ ફળ,પુષ્પ, ડ્રાયફ્રુટ વિગેરે ધરવવામાં આવેલ, પુષ્પવર્ષા કરવામાં આવેલ, દાદાની દિવ્ય સંધ્યા આરતી 6:30 કલાકે પ.પૂ શાસ્ત્રી સ્વામી હરિપ્રકાશદાસજી દ્વારા કરવામાં આવી હતી. હજારો ભક્તોએ પ્રત્યક્ષ તેમજ ઓનલાઈન આ દિવ્ય દર્શનનૉ  લાભ લઈ ધન્યતાનો  અનુભવ કર્યો હતો.