હીરા નગરી સુરત શહેરમાં દેશના PM નરેન્દ્ર મોદીની 156 ગ્રામ ગોલ્ડમાં મૂર્તિ તૈયાર કરવામાં આવી છે. તાજેતરમાં ગુજરાત વિધાનસભાની ચુંટણીમાં ભાજપે 156 સીટ પર ઐતિહાસિક જીત હાસિલ કરી છે, જેને લઈને સુરતના જવેલર્સ દ્વારા આ અનોખી મૂર્તિ બનાવી છે. આ મૂર્તિ 18 કેરેટ ગોલ્ડમાંથી બનાવવામાં આવી છે અને તેની અંદાજીત કિંમત 11 લાખ રૂપિયા છે.
દેશના વડાપ્રધાન નરેન્દ્ર મોદીની દેશમાં એક અલગ લોક ચાહના છે. દેશમાં તેઓના ચાહકો તેઓના માટે અલગ અલગ રીતે પોતાની લાગણી દર્શાવતા હોય છે, ત્યારે હીરા નગરી સુરત શહેરમાં એક જવેલરી મેકિંગ કંપનીએ પીએમ મોદીની અનોખી મૂર્તિ તૈયાર કરી છે. આ મૂર્તિ એટલા માટે વિશેષ છે કારણ કે આ મૂર્તિ 156 ગ્રામ ગોલ્ડમાં તૈયાર કરવામાં આવી છે. તેને તૈયાર કરતા 3 મહિનાથી વધુ સમય લાગ્યો છે
તાજેતરમાં ગુજરાત વિધાનસભાની ચુંટણી યોજાઈ હતી અને આ ચુંટણીમાં પીએમ નરેન્દ્રભાઈ મોદીના નેતૃત્વમાં ભાજપે 156 સીટ પર એતિહાસિક જીત મેળવી છે. પીએમ મોદીના અતિહાસિક કામોથી પ્રેરાઈને સુરત શહેરમાં એક જ્વેલરી મેકિંગ કંપની દ્વારા વડાપ્રધાન નરેન્દ્ર મોદીની 156 ગ્રામ ગોલ્ડમાં મૂર્તિ તૈયાર કરવામાં આવી છે. આ મૂર્તિ બનાવવામાં 20 થી 25 લોકોની ટીમે3 મહિના સુધી મહેનત કરી હતી અને આ મૂર્તિને 18 કેરેટ ગોલ્ડમાં તૈયાર કરવામાં આવી છે અને તેની કિમત અંદાજીત 11 લાખ રૂપિયા છે.
જવેલર્સ સંદીપ જૈને જણાવ્યું હતું કે આપણે હિન્દુસ્તાનમાં રહીએ છીએ, અને હિંદુસ્તાનમાં લોકોને ગોલ્ડ પ્રત્યે ઘણો લગાવ છે. પીએમ નરેન્દ્ર મોદીની પ્રસશા કરવા માટે શબ્દો ઓછા પડે છે. લોકોની પીએમ પ્રત્યે પણ લાગણી અને ભાવના ગોલ્ડ જેવી જ છે આજ કારણ છે કે અમે પીએમ મોદીની ગોલ્ડમાં પ્રતિમા તૈયાર કરી લાગણીને વધારી છે. તાજેતરમાં ગુજરાત વિધાનસભાની ચુંટણીમાં 156 સીટ પર ભાજપનો વિજય થયો હતો અને આ એક એતિહાસિક જીત છે, જેથી અમે તાત્કાલિક નક્કી કર્યું હતું કે પીએમ મોદીની પ્રતિમા બનાવીશું તો 156 ગ્રામ ગોલ્ડમાં જ બનાવીશું અને આખરે અમે આ પ્રતિમા તૈયાર કરી છે.
જવેલર્સ બસંત વ્હોરાએ જાણાવ્યું હતું કે અમારી ઘણા સમયથી ઈચ્છા હતી કે પીએમ નરેન્દ્ર મોદીની મૂર્તિ ગોલ્ડમાં બનાવીએ. જે હિસાબે પીએમ મોદી ઐતિહાસિક કામો કરી રહ્યા છે જેને લઈને અમે પણ એમના માટે કઈક ઐતિહાસીક કરવાનું વિચાર્યું હતું ગુજરાતમાં ભાજપે 156 સીટ પર વિજય મેળવ્યો હતો.
જે એક ઐતિહાસિક જીત છે જેથી અમે પીએમ નરેન્દ્ર મોદીની 156 ગ્રામની ગોલ્ડની મૂર્તિ ગોલ્ડમાં બનાવી છે. આ મૂર્તિ બનાવવામાં 2 થી 3 મહિના જેટલો સમય લાગ્યો છે અને આ મૂર્તિ બનાવવામાં 20 થી 25 લોકોની ટીમ હતી. આ મૂર્તિ 18 કેરેટ ગોલ્ડમાં તૈયાર કરવામાં આવી છે આ મૂર્તિને હૂબહું પીએમ મોદી જેવી તૈયાર કરવામાં આવી છે. પીએમ જેવી આંખો, ચહેરો, ચશ્માં બધું જ હુબહુ રીતે બનાવવામાં આવ્યું છે.