પત્નીએ છૂટાછેડા માંગતા પતિએ ઇન્સ્ટાગ્રામ પર પોસ્ટ કર્યા ખાનગી વીડિયો , પછી જ થયું તે જાણીને તમે પણ ચોકી જશો

અમદાવાદના મેમનગર વિસ્તારમાં એક ચોંકાવનારી ઘટના સામે આવી છે. અહીં એક પતિએ તેની પત્નીના અંગત વીડિયો અને ફોટા સોશિયલ મીડિયા પર પોસ્ટ કર્યા. આ વિવાદ ત્યારે શરૂ થયો જ્યારે પત્નીએ છૂટાછેડાની માંગણી કરી અને સાસરિયાનું ઘર છોડીને તેના માતાપિતાના ઘરે ગઈ. ગુસ્સામાં પતિએ તેની પત્નીનો અંગત વીડિયો ઇન્સ્ટાગ્રામ પર વાયરલ કર્યો અને તેના પર વાંધાજનક ટિપ્પણીઓ પણ કરી.

મળતી માહિતી મુજબ, 21 વર્ષીય પીડિતા તેના પરિવાર સાથે મેમનગર વિસ્તારમાં રહે છે અને કપડાની દુકાનમાં કામ કરે છે. થોડા મહિનાઓ સુધી સાસરિયાના ઘરે રહ્યા પછી, પરિવાર સાથે મતભેદોને કારણે તેણીએ તેના માતાપિતાના ઘરે પાછા ફરવાનું નક્કી કર્યું. તેના લગ્ન એક વર્ષ પહેલા વડોદરાના એક યુવક સાથે થયા હતા. જોકે, પતિ-પત્ની બંને એક જ ઇન્સ્ટાગ્રામ એકાઉન્ટનો ઉપયોગ કરતા હતા, જેનો પાસવર્ડ મહિલાના પતિ પાસે હતો.