રાજ્યમાં ચોમાસાની દસ્તક: મધરાતે વલસાડ પંથકમાં જોરદાર વરસાદ પડ્યો

• રાજ્યમાં મેઘરાજાની સવારી આવી પહોંચી

• વલસાડ અને કપરાડામાં પડ્યો વરસાદ

• મધરાતે પડેલા વરસાદથી સ્થાનિકોને મળી ગરમીમાં રાહત

ઉનાળાની સીઝન વિદાઈ લઇ રહી છે. ત્યારે હવે ચોમાસાની શરૂઆત થવાના એંધાણ જોવા મળી રહ્યા છે. જોકે હવામાન વિભાગ દ્વારા આગામી 5 દિવસ વરસાદની આગાહી કરવામાં આવી છે. ત્યારે હવે ચોમાસાનું આગમન થઇ રહ્યું હોય તેવું વાતાવરણ પણ બંધાઈ રહ્યું છે. શુક્રવારે મોડીરાત્રે વલસાડ શહેર સહિત જિલ્લાના અનેક પથંકમાં ગાજ વીજ સાથે વરસાદ વરસ્યો હતો. વલસાડ તાલુકાની જો વાત કરવામાં આવે તો 14 MM અને કપરાડા તાલુકામાં 2 MM વરસાદ વરસ્યો હતો. વલસાડ શહેરમાં મધ્યરાત્રિએ આવેલા ધોધમાર વરસાદને પગલે વીજળી ગુલ થઈ ગઈ હતી, જેને લઈને શહેરમાં વીજ કંપની દ્વારા કરવામાં આવેલી પ્રીમોન્સૂનની કામગીરીની પોલ ખૂલી ગઈ હતી. શહેરના અનેક વિસ્તારોમાં વીજપ્રવાહ ખોરવાયો હતો. શહેરમાં પ્રથમ વરસાદે જ વીજ કંપનીના કર્મચારીઓને દોડતા કરી દીધા હતા.

મહારાષ્ટ્રમાં પડી રહેલા વરસાદ બાદ વલસાડ શહેરમાં પણ વરસાદે દસ્તક દીધી છે. શહેરમાં ગાજવીજ અને ભારે પવન સાથે વરસાદ વરસ્યો હતો. જોકે વરસાદને પગલે શહેરના અનેક વિસ્તારોમાં વીજપ્રવાહ ખોરવાયો હતો. વીજ કંપની દ્વારા કરવામાં આવેલી પ્રીમોન્સૂન કામગીરીઓ સામે અનેક સવાલો ઊઠ્યા હતા. મધ્યરાત્રિએ પડેલા વરસાદને લઈને સમગ્ર વલસાડ પંથકમાં વીજપ્રવાહ ખોરવાયો હતો. વરસાદને પગલે કાળઝાળ ગરમી સામે લોકોને જરૂર રાહત થઈ હતી. બીજી તરફ, કેરી અને ઉનાળુ પાકનું વાવેતર કરનારા ખેડૂતોમાં ચિંતાનો માહોલ જોવા મળ્યો હતો.વલસાડ તાલુકામાં 14 MM અને કપરાડા તાલુકામાં 2 MM વરસાદ નોંધાયો છે. હવામાન વિભાગે વલસાડ જિલ્લામાં મોન્સૂનની શરૂઆત થઈ હોવાના સંકેત આપ્યા છે. એક અઠવાડિયાથી મોન્સૂને વલસાડ જિલ્લામાં દસ્તક દીધી હોવાનું વલસાડ ડિઝાસ્ટર વિભાગની ટીમે જણાવ્યું છે.વલસાડ શહેર સહિત જિલ્લાના અનેક વિસ્તારોમાં વરસાદ ગાજવીજ સાથે વરસાદ વરસ્યો હતો, જેને લઈ વલસાડ શહેરના રસ્તા પર પાણી વહેતું જોવા મળ્યું હતું તેમજ શહેરના અનેક રેલવે ગળનાળામાં પણ પાણી ભરાયાં હતાં, જેથી વાહનચાલકોને મુશ્કેલી પણ પડી હતી.