દેશના તમામ રાજ્યોમાં વરસાદ આફત બની રહ્યો છે. કેટલાક રાજ્યોમાં પૂર જેવી સ્થિતિ છે. ગુજરાતમાં સ્થિતિ વધુ કફોડી બની છે. રાજ્યમાં નદીઓમાં ઉછાળો જોવા મળી રહ્યો છે અને હવામાન વિભાગે આજે પણ ભારે વરસાદનું એલર્ટ જાહેર કર્યું છે.
ઘરની છત પર મગર આવ્યો
સ્થિતિ એવી છે કે પૂર જેવી સ્થિતિને કારણે વડોદરામાં એક ઘરની છત પર મગર જોવા મળ્યો હતો. આ ઘટનાનો વીડિયો વાયરલ થયો છે. તમને જણાવી દઈએ કે વિશ્વામિત્રી નદી તેના કાંઠા તોડીને રહેણાંક વિસ્તારોમાં પ્રવેશ્યા બાદ વડોદરાના અનેક નીચાણવાળા વિસ્તારોમાં ભારે પૂર આવ્યું હતું.
ભારતીય સેનાની ત્રણ ટુકડીઓ તૈનાત
બીજી તરફ, નેશનલ ડિઝાસ્ટર રિસ્પોન્સ ફોર્સ (NDRF) અને રાજ્યની ટીમોની બનેલી રેસ્ક્યુ ટીમે વડોદરા શહેરની આસપાસ તેમના ઘરો અને છત પર ફસાયેલા લોકોને બચાવ્યા હતા. સમાચાર એજન્સી પીટીઆઈ અનુસાર, આ બચાવ અભિયાનમાં ભારતીય સેનાની ત્રણ ટુકડીઓ પણ તૈનાત કરવામાં આવી હતી.]
5000થી વધુ લોકોને સુરક્ષિત રીતે બહાર કાઢવામાં આવ્યા હતા
દરમિયાન રાજ્યકક્ષાના મંત્રી રૂષિકેશ પટેલે જણાવ્યું હતું કે બુધવારે 5000થી વધુ લોકોને સુરક્ષિત બહાર કાઢવામાં આવ્યા હતા. મુખ્યમંત્રી ભૂપેન્દ્ર પટેલે અધિકારીઓને પૂરના પાણી ઓસરતા જ વડોદરા શહેરમાં સફાઈના સાધનો અને જંતુનાશક દવાનો છંટકાવ કરવા નિર્દેશ આપ્યો છે.
અમદાવાદ અને સુરતની મ્યુનિસિપલ કોર્પોરેશનો અને ભરૂચ અને આણંદની નગરપાલિકાઓની વધારાની ટીમોને પણ શહેરમાં તૈનાત કરવા માટે સંપર્ક કરવામાં આવ્યો છે.
VIDEO | Gujarat Rains: Crocodile spotted at roof of a house as heavy rainfall inundate Akota Stadium area of Vadodara.
(Full video available on PTI Videos – https://t.co/n147TvqRQz)#GujaratRains #GujaratFlood pic.twitter.com/FYQitH7eBK
— Press Trust of India (@PTI_News) August 29, 2024