શું નાસ્તામાં સાદા પૌઆ ખાયને કંટાળી ગયા! તો ટ્રાય કરો કોંકણી સ્ટાઈલના કોલાચે પૌઆ

• ઉત્તર અને મધ્ય ભારતમાં ખૂબ પ્રખ્યાત છે

• સ્વાદિષ્ટ હોવા ઉપરાંત પોષણની દ્રષ્ટિએ પણ ખૂબ જ ફાયદાકારક છે

• નારિયેળનું દૂધ, આમલીનો પલ્પ અને અન્ય મસાલાનો ઉપયોગ કરવામાં આવે છે

સવારના નાસ્તા તરીકે પૌઆ ખૂબ જ પસંદ કરવામાં આવે છે. આ ડીશ ખાસ કરીને ઉત્તર અને મધ્ય ભારતમાં ખૂબ પ્રખ્યાત છે. તેનો સ્વાદ અદ્ભુત છે, જોકે દેશના અન્ય રાજ્યોમાં આ વાનગી અલગ અલગ રીતે બનાવવામાં આવે છે. આવી જ એક વાનગી છે કોલાચે પૌઆ, જે કોંકણી શૈલીમાં બનાવવામાં આવે છે. તે સ્વાદિષ્ટ હોવા ઉપરાંત પોષણની દ્રષ્ટિએ પણ ખૂબ જ ફાયદાકારક છે. તમે આ રેસિપી તમારા ઘરે પણ ટ્રાય કરી શકો છો. જો તમે સવારના નાસ્તામાં એક જ પૌઆ ખાઈને કંટાળી ગયા હોવ તો તમે કોલાચે પૌઆની રેસિપી અજમાવી શકો છો.

કોલાચે પૌઆ બનાવવા માટે પૌઆ સાથે નારિયેળનું દૂધ, આમલીનો પલ્પ અને અન્ય મસાલાનો ઉપયોગ કરવામાં આવે છે. જો તમે હજુ સુધી આ રેસિપી નથી બનાવી તો તમે એકવાર આ રેસિપી ઘરે બનાવી ને ટ્રાય જરૂર કરો

કોલાચે પૌઆ બનાવવા માટેની સામગ્રી

• પૌઆ – 2 વાટકી
• નારિયેળનું દૂધ – 3 વાટકી
• ખાંડ – 2 ચમચી
• આમલીનો પલ્પ – 3-4 ચમચી
• લસણ-આદુની પેસ્ટ – 1 ચમચી
• લીલા મરચા-ધાણાની પેસ્ટ – 2 ચમચી
• મીઠું – સ્વાદ મુજબ

કોલાચે પૌઆ બનાવાની રીત

સૌથી પહેલા પૌઆ લો અને તેને સાફ કરીને પાણીથી ધોઈ લો. આ પછી પૌઆને પલાળીને થોડી વાર માટે બાજુ પર રાખો. હવે નારિયેળ લો અને તેનો પલ્પ કાઢીને કાપી લો.

આ પછી, નારિયેળના ટુકડાને મિક્સરમાં નાંખો, થોડું પાણી ઉમેરો અને તેનું પ્રવાહી તૈયાર કરો. હવે આમલી લો અને તેના બીજ કાઢી લો અને તેને પાણીમાં ઓગાળીને માવો તૈયાર કરો. આ પછી લસણ-આદુની પેસ્ટ અને લીલા ધાણા, લીલા મરચાની પેસ્ટ અલગ-અલગ તૈયાર કરો.

હવે એક વાસણ લો અને તેમાં નારિયેળનું દૂધ, આમલીનો પલ્પ, લીલા મરચાની પેસ્ટ નાખીને બધું મિક્સ કરો. આ પછી આ મિશ્રણમાં સ્વાદ અનુસાર ખાંડ અને મીઠું નાખીને બધું મિક્સ કરો.

હવે એક બાઉલ લો અને તેમાં મુઠ્ઠીભર પલાળેલા પૌઆ નાખો અને પૌઆ કરતા ત્રણ ગણું નારિયેળના દૂધનું મિશ્રણ ઉમેરો. સમાન પ્રમાણમાં કોલાચે પૌઆ બનાવો અને નાસ્તામાં બધાને સર્વ કરો. આ એક ખૂબ જ હેલ્ધી અને ટેસ્ટી નાસ્તો છે.