સ્વાદની સાથે સ્વાસ્થ્ય આપે છે “મકાઈનો ભુટ્ટો”; જાણો મકાઈની કેટલી બને છે રેસીપી

• ચોમાસામાં ડાયેટમાં શામેલ કરો મકાઈ

• મકાઈ ખાવાથી સ્વાસ્થ્યને થાય છે ફાયદો

• સ્કીન પણ રહે છે સ્વસ્થ્ય

ચોમાસામાં ગરમાગરમ મકાઈ ખાવાની મજા જ કંઈક અલગ હોય છે. તે ખાવામાં સ્વાદિષ્ટ તો છે જ પરંતુ સ્વાસ્થ્યને સુધારવામાં પણ મહત્વની ભૂમિકા ભજવે છે. મકાઈમાં ફાઈબર, વિટામિન એ, કેરોટીનોઈડ વગેરે હોય છે. તમે ઈચ્છા અનુસાર મકાઈનું સેવન કરી શકો છો. એવામાં અમે તમને અહીં જણાવીશું કે ચોમાસાની ઋતુમાં મકાઈ ખાવાથી શું સ્વાસ્થ્ય લાભ થાય છે.

ચોમાસામાં મકાઈ ખાવાના ફાયદા

પાચન તંત્ર
ચોમાસામાં મકાઈનું સેવન કરવાથી પાચન સંબંધી ફરિયાદો દૂર થાય છે. મકાઈમાં સારી માત્રામાં ફાઈબર હોય છે તેનું સેવન કરવાથી તમને ચોમાસામાં પેટમાં દુખાવો, અપચોની સમસ્યા, ગેસ વગેરે નહીં થાય. તમને જણાવી દઈએ કે મકાઈને કફની સમસ્યાને દૂર કરવામાં પણ ફાયદાકારક માનવામાં આવે છે.

રોગપ્રતિકારક શક્તિ વધશે
ચોમાસા દરમિયાન રોગપ્રતિકારક શક્તિ નબળી હોવાને કારણે લોકો રોગોનો ભોગ બને છે. ચોમાસામાં મકાઈનું સેવન કરવાથી રોગપ્રતિકારક શક્તિ વધે છે. તમને જણાવી દઈએ કે મકાઈનું સેવન કરવાથી રોગપ્રતિકારક કોષો મજબૂત થાય છે. એટલા માટે તમે દરરોજ મકાઈનું સેવન કરી શકો છો.

સ્કીન રહેશે હેલ્ધી
ચોમાસામાં સ્કીનમાં ફોલ્લીઓ અને લાલાશની સમસ્યા વધી જાય છે. આ દરમિયાન તમારે મકાઈનું સેવન કરવું જોઈએ. મકાઈમાં એન્ટી-ઓક્સીડેન્ટ હોય છે, જે ત્વચાને રિપેર કરે છે.

ચોમાસામાં ડાયેટમાં આ રીતે મકાઈનો કરો સમાવેશ

કોર્ન સૂપ રેસીપી
ચોમાસામાં તમે કોર્ન સૂપ પી શકો છો. મકાઈનો સૂપ બનાવવા માટે કૂકરમાં મકાઈના દાણા, બે કપ પાણી અને થોડું મીઠું નાખી 2 થી 3 સીટી લઈ પછી મકાઈના દાણાને પીસીને પ્યુરી બનાવી લો. તેને એક કડાઈમાં મૂકો અને પ્યુરીને ફ્રાય કરો. હવે તેમાં લીલા ધાણા અને કાળા મરી નાખીને મિક્સ કરો. પછી ગરમ સૂપ લો.

કોર્ન સેન્ડવિચ રેસીપી
તમે ચોમાસામાં કોર્ન સેન્ડવિચ પણ બનાવી શકો છો. હોલ ગ્રેન બ્રેડમાં લીલા ધાણાની ચટણી નાખો. તેના પર બાફેલી મકાઈના દાળ અને અન્ય શાકભાજી મૂકો. સેન્ડવિચને શેકીને ખાઓ.