રસોડામાં રહેલા પાંદડા ફક્ત સ્વાદજ નહી તમારું વજન ઘટાડવામાં પણ કરે છે મદદ! જાણો ક્યાં પાન છે ઉપયોગી

• જામફળના પાન બ્લડ સુગર અને કોલેસ્ટ્રોલના સ્તરને ઘટાડવામાં મદદરૂપ છે.

• દરરોજ સવારે ખાલી પેટે લીંબડાના પાન ચાવવાથી વજન ઘટાડવામાં મદદ મળે છે

• ધાણાના પાન વિવિધ પ્રકારના મિનરલ્સ અને વિટામિન્સથી ભરપૂર હોય છે

વજન વધારવું અને તેને ઘટાડવા માટેના તમામ પ્રકારના પ્રયાસો કરવા એ વર્તમાન સમયમાં એકદમ સામાન્ય બની ગયું છે. ભારતમાં વધુ વજનવાળા લોકોની સંખ્યા 40.3% થી વધુ છે. એક રિસર્ચમાં વધુ વજનની સમસ્યાને શરીરમાં વિવિધ રોગો માટે એક મુખ્ય જોખમ પરિબળ તરીકે વર્ણવવામાં આવે છે. ડાયાબિટીસથી લઈને હૃદયરોગ સુધી વજન વધવાની સમસ્યાને ખતરનાક માનવામાં આવે છે. આ જ કારણ છે કે આરોગ્ય નિષ્ણાતો તમામ લોકોને બાળપણથી જ તેમના વજનને નિયંત્રિત કરવા માટેના ઉપાયો કરવાની સલાહ આપે છે.

આહારથી લઈને જીવનશૈલીને યોગ્ય રાખવા સુધીના ઉપાયો વજનને નિયંત્રિત કરવામાં મદદરૂપ માનવામાં આવે છે.પરંતુ શું તમે જાણો છો કે અમુક પ્રકારના પાનનું સેવન વજન ઘટાડવામાં પણ ફાયદાકારક સાબિત થઈ શકે છે. નિષ્ણાતો કહે છે કે, રસોડામાં હાજર કેટલાક લીલા પાંદડાઓનો ઉપયોગ માત્ર વજન ઘટાડવામાં મદદ કરી શકે છે, પરંતુ તે તમારા શરીર માટે અન્ય ઘણી રીતે ફાયદાકારક પણ હોઈ શકે છે. ચાલો જાણીએ આવા જ કેટલાક પાંદડા વિશે, જેના સેવનથી તમે સ્થૂળતાની સમસ્યાને ઓછી કરી શકો છો?

દક્ષિણ ભારતીય રસોઈમાં લીમડાના પાંદડાનો વ્યાપક ઉપયોગ થાય છે. તે માત્ર ભોજનનો સ્વાદ વધારવામાં જ મદદરૂપ નથી, પરંતુ તેમાં રહેલા ઘટકો શરીર માટે અન્ય ઘણી રીતે પણ ફાયદાકારક સાબિત થઈ શકે છે. નિષ્ણાંતોનું કહેવું છે કે દરરોજ સવારે ખાલી પેટે લીંબડાના પાન ચાવવાથી વજન ઘટાડવામાં મદદ મળે છે. લીમડાના પાંદડા વિવિધ પોષક તત્વો અને છોડ આધારિત સંયોજનોથી સમૃદ્ધ છે. તેમાં મહાનિમ્બાઈન નામનો આલ્કલોઈડ હોય છે, જે વજન અને લિપિડનું પ્રમાણ ઘટાડવામાં, ચરબી કાપવામાં, મેટાબોલિક રેટ વધારવામાં અને શરીરમાં ચરબીના સંચયને ઘટાડવામાં મદદ કરે છે.કેટલાક અભ્યાસોમાં જામફળના પાંદડાને વજન ઘટાડવામાં પણ મદદરૂપ માનવામાં આવે છે. નિષ્ણાતોનું કહેવું છે કે જામફળના પાનનું સેવન વજન ઘટાડવામાં મદદરૂપ થઈ શકે છે.

ઉંદરો પર કરવામાં આવેલ સંશોધન દર્શાવે છે કે જામફળના પાન બ્લડ સુગર અને કોલેસ્ટ્રોલના સ્તરને ઘટાડવામાં મદદરૂપ છે. આ ઉપરાંત, જામફળના પાનમાં કેટેચીન, ક્વેર્સેટિન અને ગેલિક એસિડ સહિતના એન્ટીઓક્સીડેન્ટ્સ પણ જોવા મળે છે જે ઓક્સિડેટીવ સ્ટ્રેસ ઘટાડવાની સાથે વજન ઘટાડવા માટે ફાયદાકારક છે.ઓરેગાનો ઇટાલિયન રાંધણકળાનો મુખ્ય ભાગ રહ્યો છે. પોલિફીનોલ્સ અને ફ્લેવોનોઈડ્સ જેવા બાયોએક્ટિવ સંયોજનોથી સમૃદ્ધ, આ પાંદડા માત્ર શરીરમાં ઇન્સ્યુલિનના નિયમનમાં જ મદદ કરે છે પરંતુ શરીરને આકારમાં પણ રાખે છે. તે એક ઉત્તમ જડીબુટ્ટી છે જે તમને વજન વધવાની સમસ્યાને ઓછી કરીને કબજિયાતને રોકવામાં મદદ કરી શકે છે.ધાણાના પાંદડા પણ વજન ઘટાડવા માટે ખૂબ ફાયદાકારક માનવામાં આવે છે. ધાણાના પાન વિવિધ પ્રકારના મિનરલ્સ અને વિટામિન્સથી ભરપૂર હોય છે જે વજન અને ચયાપચયના સ્તરને નિયંત્રિત કરવામાં મદદરૂપ થાય છે. તેમાં મેગ્નેશિયમ, વિટામિન-બી અને ફોલિક એસિડની માત્રાની સાથે ક્વેર્સેટિન નામનું મહત્વનું તત્વ હોય છે જે વજન ઘટાડવામાં મદદરૂપ થઈ શકે છે. આ પાંદડા દરેક ઘરમાં ઘણી રીતે ખાવામાં આવ્યા છે.