નખનાં રંગમાં થતા ફેરફારને ભૂલથી પણ ના અવગણશો: હોય શકે છે આ બીમારી  

• સ્થૂળતા અને હાઈ બ્લડ પ્રેશરનું જોખમ પણ વધે છે

• કોલેસ્ટ્રોલ વધે છે ત્યારે તમારા નખમાં કયા લક્ષણો જોવા મળે છે

• તમારા નખનો રંગ પીળો થવા લાગે છે

આજનાં સમયમાં લોકોની જીવનશૈલીમાં ફેરફાર થઇ રહ્યા છે. દિવસભરના તણાવને કારણે લોકોને પોતાના માટે હેલ્ધી ફૂડ બનાવવાનો સમય નથી મળતો. જે તમારા કોલેસ્ટ્રોલ સહિત હૃદય રોગના સ્ટ્રોકનું જોખમ વધારી શકે છે. તેમજ કોલેસ્ટ્રોલનું સ્તર વધવાથી લોકોમાં સ્થૂળતા અને હાઈ બ્લડ પ્રેશરનું જોખમ પણ વધે છે અને બીજી બાજુ, જ્યારે કોલેસ્ટ્રોલ વધે છે, ત્યારે તમારા નખમાં કેટલાક પણ  લક્ષણો દેખાવા લાગે છે, જેને તમારે ભૂલીને પણ અવગણવું જોઈએ નહીં. ચાલો તમને અહીં જણાવીએ કે જ્યારે તમે કોલેસ્ટ્રોલ વધે છે ત્યારે તમારા નખમાં કયા લક્ષણો જોવા મળે છે.જ્યારે શરીરમાં કોલેસ્ટ્રોલનું સ્તર વધે છે, ત્યારે તમારા નખનો રંગ પીળો થઈ જાય છે જે તમારા  શરીરમાં ખરાબ રક્ત પરિભ્રમણ દર્શાવે છે. આ શરીરના ઘણા ભાગોમાં થાય છે જેમાં તમારા નખ પણ સામેલ છે.

આથી તમારા નખનો રંગ પીળો થવા લાગે છે અથવા તો નખમાં તિરાડો પડવા લાગે છે. આટલું જ નહીં તમારા નખની વૃદ્ધિ પણ અટકી જાય છે.જ્યારે પ્લાક શરીરમાં જમા થાય છે ત્યારે તે ધમનીઓને બંધ કરી દે છે જેને એથરોસ્ક્લેરોસિસ કહેવાય છે.જેમ શરીરમાં કોલેસ્ટ્રોલ વધે છે તે હાથની રક્તવાહિનીઓને બંધ કરી શકે છે. જેના કારણે હાથમાં દુખાવો થવા લાગે છે. આવી સ્થિતિમાં, જો તમને પણ તમારા હાથમાં દુખાવો થવાની સમસ્યા છે, તો તેને અવગણશો નહીં.શરીરના અમુક ભાગોમાં લોહીના પ્રવાહમાં અવરોધને કારણે હાથમાં કળતર અનુભવાય છે. હાઈ કોલેસ્ટ્રોલ અને સ્થૂળતાને કારણે લોહીનો યોગ્ય પ્રવાહ શક્ય નથી. જેના કારણે હાથમાં કળતર થઈ શકે છે.