ઉનાળામાં ટ્રાય કરો આ ફેશન ટિપ્સ અને મેળવો ગરમી થી રાહત

• ઉનાળાની ઋતુમાં સુતરાઉ, ખાદી અને શિફોનના કપડા પહેરવા ખૂબ જ સારા છે

• ઉનાળામાં સિલ્ક, નાયલોન, વેલ્વેટ જેવા ભારે વસ્ત્રો પહેરવાનું ટાળો.

• ગરમીથી બચવા માટે ખૂબ જ ચટક રંગોના કપડાંને ટાળવું વધુ સારું છે

ઉનાળાના કહેરથી બચવા માટે લોકો શક્ય તેટલા તમામ પ્રયાસો કરે છે. પરંતુ ઘણીવાર તડકો (Sun) અને પરસેવો સુકાવાના સંઘર્ષમાં મોટાભાગના લોકો ફેશન (Fashion)ની અવગણના કરે છે. પરંતુ શું તમે જાણો છો કે ઉનાળામાં (Summer) ડ્રેસિંગ સેન્સ (Dressing Sense) નું ખાસ ધ્યાન રાખવાથી તમે ન માત્ર ગરમીથી બચી શકશો સાથે જ કૂલ અને સ્માર્ટ પણ દેખાઈ શકો છો.

દરેક વ્યક્તિને સુંદર અને આકર્ષક દેખાવુ ગમે છે. જો કે ઉનાળાની ઋતુમાં ફેશનને મેઈન્ટેઈન રાખવી એ કોઈ ટફ ટાસ્કથી ઓછું નથી. આ જ કારણોસર અમે તમારી સાથે સમર ફેશનની કેટલીક ખાસ ટિપ્સ શેર કરવા જઈ રહ્યા છીએ, જેને ફોલો કરીને તમે કૂલ દેખાઈ શકો છો અને ઠંડકનો અનુભવ પણ કરી શકો છો.

આવા કપડા પહેરો

ઉનાળાની ઋતુમાં સુતરાઉ, ખાદી અને શિફોનના કપડા પહેરવા ખૂબ જ સારા છે. આના કારણે તમે ઓછી ગરમી અનુભવો છો અને આ મટિરિયલનું કાપડ એકદમ આરામદાયક પણ હોય છે. આ સાથે જ તમે ઘરમાં સ્લીવ લેસ અને હાફ સ્લીવના કપડાંને પસંદગી આપી શકો છો. પરંતુ ઘરની બહાર નીકળતી વખતે ફુલ સ્લીવના કપડાં જ પહેરો. જેના દ્વારા તમે સૂર્યના તાપ અને ગરમીથી સુરક્ષિત રહો.

આવા કપડાથી રહો દૂર

ઉનાળામાં સિલ્ક, નાયલોન, વેલ્વેટ જેવા ભારે વસ્ત્રો પહેરવાનું ટાળો. આનાથી તમને ન માત્ર વધુ ગરમી લાગે છે સાથે સાથે હવા પણ શરીર સુધી પહોંચતી નથી. જેના કારણે તમને ઈન્ફેક્શનનો ખતરો પણ વધી જાય છે. 

રંગોનુ રાખો ધ્યાન

ગરમીથી બચવા માટે ખૂબ જ ચટક રંગોના કપડાંને ટાળવું વધુ સારું છે. ડાર્ક રંગના કપડામાં ગરમી વધુ લાગે છે અને પરસેવો પણ ખૂબ આવે છે. તેથી ઉનાળામાં લાઈટ રંગો જેવા કે લીંબુ, લીટ પિંક, પીચ, કેસરી અને આસમાની રંગના કપડાં પહેરવા જોઈએ.

માથુ ઢાંકવાનુ ન ભૂલો

ગરમીમાં બહાર જતી વખતે માથું ખુલ્લું ન રાખવું. આ તમને હીટ સ્ટ્રોક થવાનું જોખમ વધારે છે. જેના કારણે તમને માથાનો દુખાવો તેમજ ડિહાઈડ્રેશન પણ થઈ શકે છે. તેથી ઘરની બહાર નીકળતા પહેલા સ્કાર્ફ કે દુપટ્ટાથી માથું ઢાંકવાનું ભૂલશો નહીં, તેનાથી ન માત્ર તમારી સુરક્ષા થશે પણ તમારી ફેશનમાં પણ વધારો થશે.

જરૂર લગાવો હેટ અને ગોગલ્સ

ઉનાળામાં ટોપી અને ગોગલ્સ પહેરવા એ ફેશનનો જ એક ભાગ નથી, પરંતુ તે માથા અને આંખોને ગરમીથી બચાવવાનો શ્રેષ્ઠ ઉપાય પણ છે. તેથી સૂર્યના હાનિકારક કિરણોથી પોતાને બચાવવા માટે ઉનાળામાં ટોપી-કેપ અને ગોગલ્સ પહેરવા ખૂબ ફાયદાકારક છે.ઉનાળાના કહેરથી બચવા માટે લોકો શક્ય તેટલા તમામ પ્રયાસો કરે છે. પરંતુ ઘણીવાર તડકો (Sun) અને પરસેવો સુકાવાના સંઘર્ષમાં મોટાભાગના લોકો ફેશન (Fashion)ની અવગણના કરે છે. પરંતુ શું તમે જાણો છો કે ઉનાળામાં (Summer) ડ્રેસિંગ સેન્સ (Dressing Sense) નું ખાસ ધ્યાન રાખવાથી તમે ન માત્ર ગરમીથી બચી શકશો સાથે જ કૂલ અને સ્માર્ટ પણ દેખાઈ શકો છો.