OTT પ્લેટફોર્મ એમેઝોન પ્રાઇમ પર વધુ એક હિટ ફિલ્મ રીલીઝ
‘મહેશ બાબુની “સરકારુ વારી પાટા” OTT પ્લેટફોર્મ પર થઈ રીલીઝ
બોક્સ ઓફિસમાં હીટ રહી છે આ ફિલ્મ
OTT પ્લેટફોર્મ એમેઝોન પ્રાઇમ પર ‘K.G.F: ચેપ્ટર 2’ અને ‘રનવે 34’ જેવી બ્લોકબાસ્ટર ફિલ્મો રજૂ કર્યા પછી, હવે ગુરુવારે સુપરસ્ટાર મહેશ બાબુ અને કીર્તિ સુરેશ-સ્ટારરની બ્લોકબસ્ટર મૂવી ‘સરકારુ વારી’ રિલીઝ કરવાની જાહેરાત કરી છે.
દર્શકો પ્રાઈમ વિડિયો પર મૂવી રેન્ટલ સાથે, ડિજિટલ સબ્સ્ક્રિપ્શન સાથે બ્લોકબસ્ટર મૂવીનો પ્રારંભિક ઍક્સેસ મેળવી શકે છે. ‘સરકારુ વારી પાતા’ ઉપરાંત, દર્શકો નવીનતમ ભારતીય અને આંતરરાષ્ટ્રીય મૂવીઝ સ્પાઇડર-મેનટીએમ: નો વે હોમ, ધ સહિત વિશ્વભરની લોકપ્રિય મૂવીઝ જોઈ શકે છે.પરશુરામ પેટલા દ્વારા દિગ્દર્શિત અને નવીન યેર્નેની અને વાય રવિ શંકરાન્દર દ્વારા નિર્મિત, ‘સરકારુ વારી પાતા’ એક તેલુગુ ભાષાની એક્શન કોમેડી ફિલ્મ છે જે એક ફાઇનાન્સ એજન્ટના સઘર્ષની કહાની જણાવે છે. આ ફિલ્મ હીરો એક મહિલા અને તેના પિતા કે જે સાંસદ અને ઉદ્યોગપતિ છે તેની સાથેના સંઘર્ષ આ ફિલ્મમાં રજૂ કરવામાં આવે છે.
આ ફિલ્મમાં મહેશ બાબુ અને કીર્તિ સુરેશ મુખ્ય ભૂમિકામાં છે, તેમજ વેનેલા કિશોર અને સુબ્બારાજુ સહાયક ભૂમિકામાં છે. મે 2022 માં રીલિઝ થયેલી, આ ફિલ્મે બોક્સ ઓફિસ પર ધમાલ મચાવી હતી અને તેના પ્રદર્શન અને મનોરંજન મૂલ્ય માટે તેની પ્રશંસા કરવામાં આવી હતી.ફિલ્મની ડિજિટલ રિલીઝ પર મહેશ બાબુએ જણાવ્યું હતું કે, “સરકારુ વારી પાતા”ની શરૂઆતથી લઈને રિલીઝ સુધી એક રોમાંચક સફર રહી છે. પ્રેક્ષકો તરફથી જે પ્રેમ મળ્યો છે તેનાથી હું અભિભૂત છું અને એમેઝોન પ્રાઇમ વિડિયો પર મૂવી રેન્ટલ્સ દ્વારા દર્શકોને મૂવીનો વહેલો ઍક્સેસ આપવા બદલ આનંદ અનુભવું છું.”
વધુમાં તેમણે કહ્યું હતું કે, આ ફિલ્મ મનોરંજન, ડ્રામા અને એક્સનથી ભરપૂર છે. મૂવી નાઈટમાં તમે તમારા મિત્રો સાથે આ ફિલ્મ નિહાળી શકો છો. આ ફિલ્મ OTT પ્લેટફોર્મ પર રીલીઝ થવાને કારણે તમે તમારા સમયે તમારી મનપસંદ સ્થળ પર નિહાળી શકો છો. આ તકે કીર્થીએ કહ્યું હતું કે, સ્થાનિક સ્ટોરીને દૂર દૂર સુધી પહોચાડવામાં OTT પ્લેટફોર્મબી મોટી ભૂમિકા રહી છે. એમેઝોન પ્રાઇમ પર આ ફિલ્મ રીલીઝ થતાં દેશભરના લોકો તેને નિહાળી શકશે. જે લોકો થિયેટરમાં આ ફિલ્મ જોવાનું ચૂકી ગયા છેમ તે લોકોને અહીથી ફિલ્મ જોવાનો મોકો મળ્યો છે.