દુનિયાભરમાં કમાણીના મામલે રોકીભાઈએ તોડયા બધા રેકોર્ડ જાણો તેના આંકડા

KGF 2એ વર્લ્ડવાઈડ 1200 કરોડની કમાણી કરી છે અને એસએસ રાજામૌલીની ફિલ્મ RRRને પણ પાછળ છોડી છે.

• KGF 2નું વર્લ્ડવાઈડ કલેક્શન 1200 કરોડનાં આંકડે પહોંચ્યું 

• RRRને છોડી પાછળ 

• જલ્દી જ આવશે KGF 3

રોકિંગ સ્ટાર યશની ફિલ્મ KGF ચેપ્ટર 2ને રિલીઝ થયે પાંચ અઠવાડિયા થઇ ગયા છે, પરંતુ હજુ પણ અ ફિલ્મ રેકોર્ડ પર રેકોર્ડ બનાવી રહી છે. આ ફિલ્મે હવે દુનિયાભરમાં 1200 કરોડ રૂપિયાનો આંકડો પાર કર્યો છે. આ સાથે જ KGF 2એ એસએસ રાજામૌલીની ફિલ્મ RRRને પાછળ છોડી છે.

ટ્રેડ એનાલિસ્ટ મનોબલ વિજયબાલા એ આ વાતની જાણકારી ટ્વીટ કરીને આપી છે. તેમણે KGF 2નાં પહેલા અઠવાડિયાથી લઈને પાંચમાં અઠવાડિયા સુધીની કમાણીની જાણકારી આપી છે. આ સમયે KGF 2 વર્લ્ડવાઈડ કલેક્શન 1200.76 કરોડ રૂપિયા છે. જયારે ભારતીય બોક્સ ઓફિસ પર આ ફિલ્મના હિંદી વર્ઝને 427.05 કરોડની કમાણી કરી છે.

14 એપ્રિલ 2022નાં રોજ કેજીએફ 2 વર્લ્ડવાઈડ રિલીઝ થયું હતું. રિલીઝનાં પહેલા જ દિવસે ભારતમાં 134 કરોડ રૂપિયાની કમાણી આ ફિલ્મે કરી હતી. જ્યારે દુનિયાભરમાં પહેલા અઠવાડિયામાં 720.31 કરોડ રૂપિયાનું કલેક્શન કર્યું હતું. ગયા અઠવાડિયે પ્રોડ્યુસર Vijay Kiragandurએ કન્ફર્મ કર્યું હતું કે કેજીએફ ચેપ્ટર 3 પણ આવશે, જેનું શુટિંગ ઓક્ટોબર 2022માં શરુ થશે અને 2024માં આ ફિલ્મ રિલીઝ થશે.

KGF 2 નું બોક્સ ઓફિસ કલેક્શન (વર્લ્ડવાઈડ)  

• WEEK 1 – 720 કરોડ રૂપિયા
• WEEK 2 – 223 કરોડ રૂપિયા
• WEEK 3 – 140.55 કરોડ રૂપિયા
• WEEK 4 – 91.26 કરોડ રૂપિયા
• WEEK 5
• DAY 1 – 5.20 કરોડ રૂપિયા
• DAY 2 – 4.34 કરોડ રૂપિયા
• DAY 3 – 6.07 કરોડ રૂપિયા
• DAY 4 – 9.52 કરોડ રૂપિયા