અમિતાભ બચ્ચનની પ્રથમ ગુજરાતી ફિલ્મ ‘ફક્ત મહિલાઓ માટે’ નું ટ્રેલર થયું રિલીઝ

• ફક્ત મહિલાઓ માટે’ નું ટ્રેલર બહાર પડી ગયું છે

• બોલીવુડના શહેનશા કેમિયો કરવા જઈ રહ્યા છે

• બીગ બીએ એક પણ રૂપિયા ફિ લીધી નથી

ગુજરાતી ફિલ્મ ‘ફક્ત મહિલાઓ માટે’ માં બોલીવુડના શહેનશા કેમિયો કરવા જઈ રહ્યા છે પણ આ ફિલ્મમાં એમનો ઘણો મહત્વનો રોલ છે. બોલીવુડમાં તો અમિતાભ બચ્ચને ઘણી ફિલ્મો કરી છે પણ અમિતાભ એ એમના 50 વર્ષના લાંબા કરિયરમાં પહેલી વખત એક ગુજરાતી ફિલ્મ કરી છે.

અમિતાભ બચ્ચને આ ફિલ્મમાં કામ કરવા માટે એક પણ રૂપિયા ફિ લીધી નથી. આ ગુજરાતી ફિલ્મ 19 ઓગસ્ટના રોજ થીયેટરમાં રિલીઝ થશે. આ ફિલ્મમાં યશ સોની અને દીક્ષા જોશી મુખ્ય ભૂમિકામાં જોવા મળશે અને આ ફિલ્મના ડાયરેક્ટર જય બોડાસ છે. જન્માષ્ટમીના ખાસ અવસર પર આ પારિવારિક ફિલ્મને રિલિઝ કરવામાં આવશે.

ગુજરાતી ફિલ્મ ‘ફક્ત મહિલાઓ માટે’ નું ટ્રેલર બહાર પડી ગયું છે અને આ ફિલ્મનું ટ્રેલર લોકોને ખૂબ જ પસંદ આવી રહ્યું છે. સાથે જ લોકો કહી રહ્યા છે કે આ ગુજરાતી ભાષામાં બનેલ એક બેસ્ટ ફિલ્મ હશે. આ ફિલ્મના ટીઝરમાં દિક્ષા જોષી, યશ સોની, ભાવીની જાનિ અને પ્રશાંત બારોટ જેવાં કલાકારો જોવા મળે છે.

આ ફિલ્મના ટ્રેલરમાં જોવા મળે છે કે યશ સોની ચિંતન કરીને એક છોકરાનું પાત્ર ભજવી રહ્યો છે. જેને એક વરદાન મળી જાય છે જે માત્ર સ્ત્રીઓના મનને સાંભળી શકે છે. તે જ્યાં પણ જાય છે ત્યાં આજુબાજુની સ્ત્રીઓ શું મનમાં બોલે છે તે સાંભળે છે. ટ્રેલર જોતા લાગી રહ્યું છે કે આ ફિલ્મ ભરપુર કોમેડી સાથે ફૂલ ફેમીલી સાથે જોઈ શકાશે.