શમશેરાનું ટ્રેલર 24 જૂને રિલીઝ થશે
સંજય દત્તનો કાતિલ લુક જોવા મળશે
લાંબા સમય પછી રણબીર મોટા પડદે જોવા મળશે
સંજય દત્તનો KGF-2ના લુકથી લોકો ખુબ પ્રભાવિત થયા હતા ત્યારે હવે તેની બીજી ફિલ્મ આવી રહી છે. રણબીર કપૂર, વાણી કપૂર અને સંજય દત્તની બહુચર્ચિત ફિલ્મ ‘શમશેરા’નું ટ્રેલર 24 જૂને રિલીઝ થવાનું છે. ફિલ્મના ટીઝરે દર્શકોને ખુબ રોમાંચિત કરી દીધા છે ત્યારે રણબીર કપૂરના માઈન્ડ બ્લોઇન્ગ લૂકે પણ આ ફિલ્મનો ક્રેઝ વધાર્યો છે. સાથે જ હવે ‘શમશેરા’નો સંજય દત્તનો લૂક પણ સામે આવ્યો છે. ખાખી વર્દી સાથે કપાળે તિલક અને હાથમાં હંટર લીધેલ સંજય દત્તનો લુક જોવા મળી રહ્યો છે. અભિનેતાના આ લુકથી ચાહકોના ઉત્સાહમાં પણ વધારો થયો છે.
ફિલ્મની અભિનેત્રી વાણી કપૂરે ‘શમશેરા’માં સંજય દત્તનો લુક શેર કરતા કેપ્શનમાં લખ્યું છે કે, “જો ‘નિર્દયી’ શબ્દનું કોઈ નામ હોત તો તે દરોગા શુદ્ધ સિંહ હોત!” તમને જણાવી દઈએ કે વાણી કપૂર આ ફિલ્મમાં એક નચનીયાની ભૂમિકામાં જોવા મળશે જેના પર ડાકુ શમશેરાનું દિલ આવી જાય છે. આ ફિલ્મ માટે વાણી કપૂરે કથકના પ્રોફેશનની ટ્રેનિંગ લીધી છે. ફિલ્મમાં રણબીર કપૂર ડબલ રોલમાં જોવા મળશે.
સંજય દત્તે સોશિયલ મીડિયા પ્લેટફોર્મ ઇન્સ્ટાગ્રામમાં ‘શમશેરા’નો આ પ્રથમ લુક શેર કર્યો છે. તેણે પોતાના પાત્રનો ખુલાસો પણ કર્યો છે. સંજય દત્ત આ ફિલ્મમાં દારોગા(ઈન્સ્પેક્ટર) શુદ્ધ સિંહની ભૂમિકામાં જોવા મળશે. આમ જોવા જઈએ તો ટીઝરમાં જ સ્પષ્ટ થઈ ગયું હતું કે સંજય દત્ત આ ફિલ્મમાં આવા દારોગાનો રોલ કરી રહ્યો છે, તો તે ખુબ જુલ્મી બનીને દમન કરતો જોવા મળશે. આ લૂકમાં એક્ટરના ચહેરાની કાતિલ સ્માઈલ જોઈને તમે પણ દંગ થઇ જશો.
કરણ મલ્હોત્રા દિગ્દર્શિત ‘શમશેરા’ને આદિત્ય ચોપરા પ્રોડ્યૂસ કરી રહ્યા છે. તે એક પીરિયડ ડ્રામા એક્શન ફિલ્મ હશે. હિન્દી ઉપરાંત આ ફિલ્મ તમિલ અને તેલુગુ ભાષામાં પણ રિલીઝ થશે. કોરોનાને કારણે આ ફિલ્મની રિલીઝમાં મોડું થયું છે અને હવે ફાઇનલી ‘શમશેરા’ 22 જુલાઈએ થિયેટરોમાં રિલીઝ થવા જઈ રહી છે. ‘સંજૂ’ ફિલ્મ બાદ રણબીર કપૂર લાંબા બ્રેક બાદ ફિલ્મ ‘શમશેરા’માં જોવા મળશે. વાણી કપૂર, રણબીર કપૂર, સંજય દત્ત ઉપરાંત આ ફિલ્મમાં આશુતોષ રાણા, સૌરભ શુક્લા, રોનિત રોય અને ત્રિધા ચૌધરી પણ જોવા મળશે.