સુનીલ શેટ્ટી ફિલ્મોથી નહીં, પરંતુ આ બિઝનેસથી કમાય છે અબજો રૂપિયા
લગભગ 30 વર્ષની કારકિર્દીમાં, સુનીલ શેટ્ટીએ મુંબઈમાં પોતાનું બિઝનેસ સામ્રાજ્ય ઉભું કર્યું છે
સુનીલ શેટ્ટી વર્ષે 100 કરોડ જેટલી કરે છે કમાણી
બોલિવૂડ એક્ટર સુનીલ શેટ્ટીએ ઘણી ફિલ્મોમાં કામ કર્યું છે. તેમની ફી પણ અસાધારણ ન હતી, તેમ છતાં 60 વર્ષની ઉંમર સુધીમાં તેમણે અબજોની સંપત્તિ એકઠી કરી છે. સુનીલ શેટ્ટીનો જન્મ 11 ઓગસ્ટ, 1961ના રોજ મેંગ્લોર નજીક મુલ્કીમાં થયો હતો, સુનીલે 1992માં ફિલ્મ ‘બલવાન’થી બોલિવૂડમાં ડેબ્યૂ કર્યું હતું. લગભગ 30 વર્ષની કારકિર્દીમાં, સુનીલ શેટ્ટીએ મુંબઈમાં પોતાનું બિઝનેસ સામ્રાજ્ય ઉભું કર્યું છે, જેમાંથી તે દર વર્ષે લગભગ 100 કરોડ રૂપિયા કમાય છે. ધડકન ફિલ્મના આ ખલનાયકે કરેલી રસપ્રદ વાત જાણીયે. સુનીલ શેટ્ટી માત્ર હિન્દી ભાષાની ફિલ્મો પૂરતો મર્યાદિત નથી. તેણે દક્ષિણની ઘણી ફિલ્મોમાં કામ કર્યું છે. તે હવે બહુ ઓછી ફિલ્મોમાં કામ કરે છે, પરંતુ તેનો બિઝનેસ દિવસેને દિવસે વધી રહ્યો છે.
મૈં હૂં ના ફિલ્મમાં નેગેટિવ ભૂમિકા ભજવનાર અભિનેતાનો મુંબઈમાં ઉચ્ચ કક્ષાના રેસ્ટોરન્ટનો બિઝનેસ છે. તેની પાસે અહીંના પોશ વિસ્તારમાં બે રેસ્ટોરન્ટ, મિસ્ચીફ ડાઇનિંગ બાર અને ક્લબ H2O પણ છે. તેમની પાસે દક્ષિણ ભારતના રેસ્ટોરન્ટની ચેઇન છે. એડવેન્ચર પાર્કમાં પણ શેટ્ટીની ભાગીદારી છે. વર્ષ 2013માં સુનીલ શેટ્ટી અને તેની પત્ની માના શેટ્ટીએ આર હાઉસ, એક લક્ઝરી ફર્નિચર અને હોમ લાઈફસ્ટાઈલ સ્ટોરની શરૂઆત કરી હતી. આ કલાકારો આ બિઝનેસમાંથી મોટી કમાણી કરે છે.
વર્ષ 2013માં શેટ્ટીએ રિયલ એસ્ટેટનો બિઝનેસ શરૂ કર્યો હતો.
સુનિલે રિયલ એસ્ટેટમાં રિયાલિટી એન્ડ ડેવલપર્સ પ્રાઈવેટ લિમિટેડ નામથી મોટું રોકાણ કર્યું હતું. આ બિઝનેસ ખૂબ જ સફળ રહ્યો છે, આ બિઝનેસથી જ તે વાર્ષિક 100 કરોડ રૂપિયાની કમાણી કરે છે. સુનીલ શેટ્ટીની મુંબઈમાં બે મોટી રેસ્ટોરન્ટ્સ ઉપરાંત હિલ સ્ટેશન ખંડાલામાં આવેલ લેવિશ ફાર્મહાઉસ છે, જે હજારો ચોરસ ફૂટમાં ફેલાયેલું છે. આ ફાર્મ હાઉસમાં આધુનિક હોટલ જેવી તમામ સુવિધાઓ છે. માના શેટ્ટી દ્વારા ફર્નિચર અને અન્ય સજાવટ સાથે તેનું આખું ઇન્ટિરિયર તૈયાર કરવામાં આવ્યું છે.
સુનીલે 1992માં બોલિવૂડમાં ડેબ્યૂ કર્યું હતું, પરંતુ તે પહેલા લગ્ન કરી લીધા હતા. સુનીલ શેટ્ટીએ ફિલ્મોમાં પ્રવેશતા પહેલા 1991માં તેની ગર્લફ્રેન્ડ માના સાથે લગ્ન કર્યા હતા. તેમના લગ્ન પછી, પુત્રી આથિયા શેટ્ટી અને પુત્ર અહાન શેટ્ટીને એમ બે બાળકોનો જન્મ થયો. સુનિલ શેટ્ટી રેસ્ટોરન્ટ બિઝનેસમાં ઉત્તરોતર પ્રગતિ કરી રહ્યા છે. હવે તેમની પુત્રી આથિયા શેટ્ટી પણ ફિલ્મોમાં કામ કરતી જોવા મળી રહી છે.