આ સીરીઝ સોની લીવ પર થશે સ્ટ્રીમીંગ
Scam 2003 માં લીડ રોલ પર જોવા મળશે થીયેટર આર્ટીસ્ટ ગગન દેવ રિયાર
ફ્રુટ સેલરથી લઈને મોટા કોભાંડ સુધીની સફર દર્શાવવામાં આવશે આ સીઝનમાં
હર્ષદ મહેતાની સ્ટોરીની સફળતા બાદ એપ્લોઝ એન્ટરટેઇનમેન્ટે તેની બહુચર્ચિત સ્કેમ ફ્રેન્ચાઇઝીની બીજી સિઝન “સ્કેમ 2003: ધ તેલગી સ્ટોરી”ની જાહેરાત કરી હતી. પહેલી સીઝનમાં બિગ બુલ હર્ષદ મહેતાની ભૂમિકા ભજવનાર પ્રતીક ગાંધી બાદ હવે ફ્રૂટ સેલર તેલગીની ભૂમિકા ભજવવા માટે પરફેક્ટ મેચ મળી ગઈ છે, જેણે બનાવટી સ્ટેમ્પ પેપર્સમાંથી સામ્રાજ્ય બનાવ્યું હતું. અબ્દુલ કરીમ તેલગીની ભૂમિકા નિભાવવા માટે એક થિયેટર કલાકાર ‘ગગન દેવ રિયાર’ તૈયાર થયો છે.
આ વેબ સિરિઝમાં કર્ણાટકના ખાનપુરમાં જન્મેલા ફ્રૂટ-સેલર અબ્દુલ કરીમ તેલગીના જીવન અને ભારતના સૌથી સરળ કૌભાંડોમાંના એક પાછળનો મુખ્ય સૂત્રધાર બનવાની સફરનું વર્ણન કરવામાં આવ્યું છે. અનેક રાજ્યોમાં ફેલાયેલા આ કૌભાંડે સમગ્ર દેશને ચોંકાવી દીધો હતો.
“સ્કેમ 2003” પત્રકાર સંજય સિંહે લખેલા હિન્દી પુસ્તક ‘રિપોર્ટર ડાયરી’ માંથી બનાવવામાં આવ્યું છે, જેમણે સમયસર આ કૌભાંડને બહાર પાડ્યું હતું. આ વેબ સિરિઝનું ડાયરેક્શન નેશનલ એવોર્ડ વિજેતા ડાયરેક્ટર હંસલ મહેતા અને તુષાર હીરાનંદાની એ કર્યું છે. મુકેશ છાબરા દ્વારા કાસ્ટ કરેલ આ વેબ સિરિઝ સોની લિવ પર સ્ટ્રીમ કરવામાં આવશે. ‘સ્કેમ 2003: ધ તેલગી સ્ટોરી’ નું નિર્માણ એપ્લોઝ એન્ટરટેઇનમેન્ટ દ્વારા સ્ટુડિયોનેક્સ્ટના સહયોગથી કરવામાં આવ્યું છે.