આવી રીતે બીજી બેન્કમાં તમારી લોન કરો ટ્રાન્સફર ઘટી જશે EMI

• ઘરેલું જરૂરિયાતો પૂરી કરવા માટે પર્સનલ લોન લેવી સામાન્ય બની ગઈ છે

• તમે ઇચ્છો તો તમે તમારી પર્સનલ લોનની વચ્ચે એકાઉન્ટને ટ્રાન્સફર કરી શકો છો

• હપ્તા ભરવામાં નહીં પડે મુશ્કેલીઓ

આજકાલ ઘરેલું જરૂરિયાતો પૂરી કરવા માટે પર્સનલ લોન લેવી સામાન્ય બની ગઈ છે. ઘણી વખત એવું બને છે કે જે બેંકમાંથી આપણે પર્સનલ લોન લઈએ છીએ થોડા સમય પછી આપણને વધુ વ્યાજ મળવા લાગે છે. તેથી આપણને ખબર નથી રહેતી કે શું કરવું. પરંતુ હવે આ સમસ્યાનો ઉકેલ આવી ગયો છે. જો તમે ઇચ્છો તો તમે તમારી પર્સનલ લોનની વચ્ચે એકાઉન્ટને ટ્રાન્સફર કરી શકો છો.

બેંક અનુસાર તમારી પર્સનલ લોન ટ્રાન્સફર કરાવવા માટે તમારે કેટલીક ફોર્માલિટીઝ કરવી પડશે. તમારે પ્રોસેસિંગ ફી, ફોરક્લોઝર ફી અને ફોરક્લોઝર ફી (જો લાગુ હોય તો) પર સ્ટેમ્પ ડ્યુટી ચૂકવવી પડશે. આ પછી તમારી લોન અન્ય બેંકમાં ટ્રાન્સફર થાય છે અને તમારી લોનના બાકીના હપ્તાઓ અન્ય બેંકમાં જ જમા કરાવવાના હોય છે.

HDFC બેંકની વેબસાઈટ પર આ અંગે વિગતવાર માહિતી આપવામાં આવી છે. બેંક અનુસાર જો કોઈ નાણાકીય સંસ્થા અથવા બેંક તમારા ખાતા પર લાગુ વ્યાજ દર કરતા ઓછા દરે લોન સ્વિચ અથવા લોન ટ્રાન્સફર ઓફર કરી રહી છે, તો તમે તેનો લાભ લઈ શકો છો.

હવે વાત કરીએ બીજી બેંકમાં પર્સનલ લોનનું બેલેન્સ ટ્રાન્સફર કરાવવાના ફાયદા વિશે તો બાકીની લોન અન્ય બેંકમાં ટ્રાન્સફર કરીને તમે ચુકવણીના સમયમાં વધારો અથવા ઘટાડો મેળવી શકો છો. આ સમયગાળો જેટલો લાંબો હશે તેટલો EMI ઓછો હશે પરંતુ વ્યાજ વધારે હશે. બીજી તરફ જો સમયગાળો ઓછો થાય છે. તો તમારે વધુ EMI અને ઓછું વ્યાજ ચૂકવવું પડશે.