વેપારીઓ માટે સારા સમાચાર: જીએસટી ફાઇલ કરવાની અંતિમ તારીખ લંબાવાઇ

• જીએસટી ફાઇલ કરવાની અંતિમ તારીખ લંબાવાઇ
• રિટર્ન ફાઇલ કરવાની અંતિમ તારીખ 28 ફેબ્રુઆરી સુધી લંબાવાઇ
• છેલ્લી તારીખ 31મી ડિસેમ્બર 2021 હતી

GST વાર્ષિક રિટર્ન ફાઇલ કરનારા વેપારીઓ માટે સારા સમાચાર છે. સરકારે GST વાર્ષિક રિટર્ન ફાઈલ કરવાની અંતિમ તારીખ લંબાવી છે. સરકારે બુધવારે GST વાર્ષિક રિટર્ન ફાઇલ કરવાની છેલ્લી તારીખ લંબાવવાની જાહેરાત કરી હતી. સરકારે બુધવારે વેપારીઓ માટે માર્ચ 2021 ના ​​રોજ સમાપ્ત થતા નાણાકીય વર્ષ 2020-21 માટે GST વાર્ષિક રિટર્ન ફાઇલ કરવાની અંતિમ તારીખ 28 ફેબ્રુઆરી સુધી લંબાવી છે. સરકારના આ નિર્ણય બાદ હવે વેપારીઓ પાસે તેમના GST વાર્ષિક રિટર્ન ફાઈલ કરવા માટે વધુ સમય મળશે.

તમને જણાવી દઈએ કે અગાઉ વેપારીઓ માટે તેમના GST વાર્ષિક રિટર્ન ફાઈલ કરવાની છેલ્લી તારીખ 31મી ડિસેમ્બર 2021 હતી. સેન્ટ્રલ બોર્ડ ઓફ ઇનડાયરેક્ટ ટેક્સિસ એન્ડ કસ્ટમ્સ (CBIC) એ પણ તેના ઓફિશિયલ ટ્વિટર હેન્ડલ પરથી એક ટ્વિટ કરીને વેપારીઓને આ અંગે માહિતી આપી હતી. સેન્ટ્રલ બોર્ડ ઓફ ઇનડાયરેક્ટ ટેક્સીસ એન્ડ કસ્ટમ્સ (CBIC) એ ટ્વીટ કર્યું, “નાણાકીય વર્ષ 2020-21 માટે ફોર્મ GSTR-9 અને ફોર્મ GSTR-9Cમાં સ્વ-પ્રમાણિત સમાધાન નિવેદનમાં વાર્ષિક રિટર્ન સબમિટ કરવાની નિયત તારીખે 31.12.2021 થી આગળ વધારીને 28.02.2022 કરવામાં આવી છે.

તમને જણાવી દઈએ કે, GSTR 9 એ ગુડ્સ એન્ડ સર્વિસ ટેક્સ (GST) હેઠળ નોંધાયેલા કરદાતાઓ દ્વારા વાર્ષિક રિટર્ન ફાઈલ કરવામાં આવે છે. તેમાં વિવિધ ટેક્સ હેડ હેઠળ કરવામાં આવેલા અથવા પ્રાપ્ત થયેલા આઉટવર્ડ અને ઇનવર્ડ સપ્લાય વિશેની વિગતો સામેલ હોય છે. GSTR-9C અને GSTR-9 આ બે ઓડિટેડ વાર્ષિક નાણાકીય વિવરણ વચ્ચે સમાધાનનું એક વિવરણ છે. માત્ર રૂ. 2 કરોડથી વધુનું કુલ વાર્ષિક ટર્નઓવર ધરાવતા કરદાતાઓ માટે તેમનું GST વાર્ષિક રિટર્ન ફાઇલ કરવું ફરજિયાત છે. જ્યારે સમાધાન વિવરણ ફક્ત તે નોંધાયેલ વ્યક્તિઓ દ્વારા જ આપવાનું છે જેમનું કુલ ટર્નઓવર રૂ. 5 કરોડથી વધુ છે.