ગંગા દશેરાથી પૂનમ સુધીનાં તિથિ-તહેવારમાં દાન કરવાથી મળશે અખૂટ પુણ્ય

• 11 જૂનના રોજ ગાયત્રી જયંતી ઊજવવામાં આવશે.

• 14 જૂનના રોજ પૂર્ણિમાએ વટ સાવિત્રી વ્રત કરવામાં આવશે.

• જેઠ મહિનાની પૂનમને મન્વાદિ તિથિ કહેવામાં આવે છે.

જૂનથી બીજા સપ્તાહના છેલ્લાં અને ત્રીજા સપ્તાની શરૂઆતના દિવસોમાં મોટા વ્રત-તહેવાર છે. 14 જૂનના રોજ પૂર્ણિમાએ વટ સાવિત્રી વ્રત કરવામાં આવશે. ગ્રંથોમાં આ દિવસે સ્નાન-દાનનું ખૂબ જ મહત્ત્વ ઉલ્લેખવામાં આવ્યું છે.11 જૂનના રોજ ગાયત્રી જયંતી ઊજવવામાં આવશે. આ દિવસે નિર્જળા એકાદશી વ્રત કરવામાં આવશે. આ દિવસે કશું જ ખાધા-પીધા વિના નિર્જળ રહીને વ્રત કરવામાં આવે છે. આ દિવસોમાં ભગવાન વિષ્ણુની મૂર્તિને ચાંદી અથવા સોનાની હોડીમાં બેસાડીને તેમને નૌકા વિહાર પણ કરાવવામાં આવે છે.

આ દિવસે જળથી ભરેલું માટલું, પંખો, કેરી, તરબૂચ અથવા કોઈપણ સિઝનલ ફળનું દાન કરવું શ્રેષ્ઠ માનવામાં આવે છે.પુરાણો પ્રમાણે જેઠ મહિનાની પૂનમને મન્વાદિ તિથિ કહેવામાં આવે છે. એટલે આ દિવસે કરવામાં આવેત તીર્થ સ્નાન અને દાનથી મળતું પુણ્ય અખૂટ હોય છે. ભવિષ્ય અને સ્કંદ પુરાણ પ્રમાણે જેઠ મહિનાની પૂર્ણિમાએ વટ સાવિત્રી વ્રત કરવામાં આવે છે. આ દિવસે વડના ઝાડ નીચે ભગવાન શિવ-પાર્વતી પછી સત્યવાન અને સાવિત્રીની પૂજા કરવામાં આવે છે. સાથે જ, યમરાજને પણ પ્રણામ કરવામાં આવે છે. પોતાના પતિની લાંબી ઉંમર માટે પરિણીતા મહિલાઓ આ વ્રત કરે છે.