આયુષ શર્માએ છોડી ભાઈજાનની ફિલ્મ: જાણો શું છે નારાજગીનું કારણ

• ફિલ્મમાં પોતાના રોલથી નાખુશ હતા આયુષ શર્મા

• પોતાના ડાયલોગ્સની સંખ્યાથી ખાસ ખુશ હતા નહીં.

• કભી ઈદ કભી દિવાલી આ વર્ષની મોસ્ટ અવેઈટેડ ફિલ્મોમાંની એક છે.

સલમાન ખાનની ફિલ્મ કભી ઈદ કભી દિવાલી જ્યારથી અનાઉન્સ થઇ છે, ત્યારથી ચર્ચાઓમાં છે. આવામાં આ ફિલ્મ વર્ષની મોસ્ટ અવેઈટેડ ફિલ્મ માનવામાં આવી રહી છે. આ ફિલ્મ સલમાન ખાન ઉપરાંત કૃતિ સેનન પણ છે. તો બીજી બાજી ફિલ્મમાં સલમાન ખાનના જીજાજી અને અર્પિતા ખાનના પતિ આયુષ શર્મા પણ હતા, પરંતુ અચાનક આયુષ શર્માએ આ ફિલ્મમાંથી પોતાના પગ પાછળ ખેંચી લીધા.  આયુષ શર્મા આ ફિલ્મમાં પોતાના ડાયલોગ્સની સંખ્યાથી ખાસ ખુશ હતા નહીં. તેઓ ફિલ્મમાં વધારે ડાયલોગ્સની ડિમાન્ડ કરી રહ્યા હતા. તેઓ ફિલ્મમાં પોતાની સ્ક્રીન પ્રેઝન્સ વધારવા માંગતા હતા.

આયુષ માનતા હતા કે તેમણે પોતાની છેલ્લી ફિલ્મ ‘અંતિમ’માં ઓડિયન્સ પર સારી ઈમ્પેક્ટ છોડી હતી. આવામાં અંતિમમાં સ્ટ્રોંગ પાત્ર નિભાવ્યા બાદ તેઓ ફિલ્મ કભી ઈદ કભી દિવાલીમાં ઓછું આંકવામાં આવે, તેવું પાત્ર ભજવવા માંગતા ન હતા. સલમાન ખાનની ફિલ્મ કભી ઈદ કભી દિવાલી આ વર્ષની મોસ્ટ અવેઈટેડ ફિલ્મોમાંની એક છે. હાલમાં જ બિગ બોસ ફેમ શહનાઝ ગિલ, જસ્સી ગિલ, સિદ્ધાર્થ નિગમ અને રાઘવ જુયાલ પણ આ ફિલ્મની કાસ્ટમાં સામેલ થયા છે, આવામાં ફેન્સ પોતાની ઉત્સુકતાને કંટ્રોલ કરી શકતા નથી. આ ફિલ્મનાં ફર્સ્ટ શેડ્યુલનું શુટિંગ પણ થઇ ચુક્યું છે.