IPL ફાઇનલ મેચને આ એકટર કરશે હોસ્ટ અને સાથે ફિલ્મનું ટ્રેઇલર લોન્ચ

• IPLની ફાઈનલ મેચની પ્રથમ ઇનિંગમાં દરમિયાન રિલીઝ કરવામાં આવશે

• અભિનેત્રી કરીના કપૂર ખાન તેની ગર્લફ્રેન્ડની ભૂમિકામાં જોવા મળશે

• ફિલ્મમાં આમિર ખાન મુખ્ય ભૂમિકામાં જોવા મળશે

આમિર ખાન  અને કરીના કપૂર ખાનની મોસ્ટ અવેટેડ ફિલ્મ લાલ સિંહ ચઢ્ઢાની આતુરતાથી ચાહકો રાહ જોઈ રહ્યા છે.કહેવામાં આવી રહ્યું છે કે લાલ સિંહ ચઢ્ઢાનું ટ્રેલર IPLની ફાઈનલ મેચ દરમિયાન રીલીઝ કરવામાં આવશે. આમિર ખાને તેના પ્રોડક્શન હાઉસના ઓફિશિયલ ઈન્સ્ટાગ્રામ પર ફિલ્મના ટ્રેલરની રિલીઝ ડેટ વિશે એક વીડિયો શેર કર્યો છે.વીડિયોમાં જોઈ શકાય છે કે, આમિર ખાન પોતાની વાત કહી રહ્યા છે, જ્યારે એક વ્યક્તિ તેને લાલ સિંહ ચઢ્ઢાના ટ્રેલર વિશે પૂછે છે કે, તમે સર લાલ સિંહ ચઢ્ઢાનું ટ્રેલર ક્યારે બતાવશો. વ્યક્તિના પ્રશ્નના જવાબમાં તેઓ કહે છે કે ફિલ્મનું ટ્રેલર 29 મેના રોજ IPLની ફાઈનલ મેચની પ્રથમ ઇનિંગમાં બીજા ટાઈમ આઉટ દરમિયાન રિલીઝ કરવામાં આવશે.

અદ્વૈત ચંદન દ્વારા નિર્દેશિત આ ફિલ્મમાં આમિર ખાન મુખ્ય ભૂમિકામાં જોવા મળશે, જ્યારે અભિનેત્રી કરીના કપૂર ખાન તેની ગર્લફ્રેન્ડની ભૂમિકામાં જોવા મળશે. લાલ સિંહ ચઢ્ઢા ફિલ્મમાં આમિર ખાન, કરીના ઉપરાંત સાઉથના કલાકારો નાગા ચૈતન્ય અને મોના સિંહ પણ મહત્વની ભૂમિકામાં જોવા મળશે.આમિર ખાનની આ ફિલ્મ આ વર્ષે 14 એપ્રિલે સિનેમાઘરોમાં રિલીઝ થવાની હતી. પરંતુ મંગળવારે, ફિલ્મ નિર્માતાઓએ ફિલ્મની રિલીઝ ડેટ મુલતવી રાખવાનો નિર્ણય કર્યો, એમ કહીને કે લાલ સિંહ ચઢ્ઢા હવે 11 ઓગસ્ટ, 2022 ના રોજ સિનેમાઘરોમાં આવશે. તે જ સમયે, કોવિડ -19 પ્રોટોકોલને ધ્યાનમાં રાખીને ઘણી વખત ફિલ્મની રિલીઝ ડેટ મોકૂફ રાખવામાં આવી હતી.