રણવીર સિંહનો ફરી એક નવો અતરંગી લુક થયો વાયરલ
રણવીરના કપડાં જોઇ ફેન્સ પણ ચોંક્યા
તસવીરો શેર કરતાં તેણે કહ્યું કે તે જીવનનો આનંદ માણી રહ્યો છે
રણવીર સિંહે ઈન્સ્ટાગ્રામ પર પોતાના લેટેસ્ટ ફોટોશૂટની ઝલક બતાવી છે. આ ફોટોશૂટમાં રણવીર સિંહ ખૂબ જ શાનદાર લાગી રહ્યો છે. તેણે કાળા ચશ્મા અને સફેદ મોતીની માળા સાથે તેનો દેખાવ પૂર્ણ કર્યો. આ તસવીરો શેર કરતાં તેણે કહ્યું કે તે જીવનનો આનંદ માણી રહ્યો છે.
રણવીર સિંહ તેની આગામી ફિલ્મ ‘જયેશભાઈ જોરદાર’ને લઈને સતત ચર્ચામાં છે. જયેશભાઈ જોરદાર મોટા પડદા પર રિલીઝ થવાની તૈયારીમાં છે. ફિલ્મનું ટ્રેલર પહેલેથી જ દર્શકોને પ્રભાવિત કરી રહ્યું છે. રણવી તેના શાનદાર આઉટફિટ્સથી પણ લોકોને પ્રભાવિત કરી રહ્યો છે. થોડા કલાકો પહેલા તેણે તેના લેટેસ્ટ ફોટોશૂટની ઘણી તસવીરો શેર કરી હતી. આ તસવીરોમાં રણવીર સિંહ એક નવો ફેશન ગોલ આપતો જોવા મળી રહ્યો છે. આમાં રણવીર તેની શાનદાર અને સ્વેગ સ્ટાઈલ બતાવી રહ્યો છે.
રણવીર સિંહે તેના શર્ટના ઉપરના બટન ખુલ્લા છોડી દીધા છે અને તેના ગળામાં માળા પહેરી છે. આ તસવીરો શેર કરતાં રણવીર સિંહે ગુજરાતીમાં લખ્યું, “મજ્જા ની જિંદગી.” તે ‘જયેશભાઈ જોરદાર’માં એક ગુજરાતી વ્યક્તિની ભૂમિકા ભજવી રહ્યો છે. રણવીર સિંહની ફિલ્મ ‘જયેશભાઈ જોરદાર’ દિવ્યાંગ ઠક્કરે ડિરેક્ટ કરી છે. આ ડિરેક્ટરની ડેબ્યૂ ફિલ્મ છે. રણવીર સિંહ ઉપરાંત ‘જયેશભાઈ જોરદાર’માં શાલિની પાંડે, બોમન ઈરાની અને રત્ના પાઠક શાહ પણ મુખ્ય ભૂમિકામાં છે. આ ફિલ્મ 20 મેના રોજ સિનેમાઘરોમાં રિલીઝ થશે.