રિક્ષા ચાલકે ગરમીથી બચવા કર્યો જુગાડ
રિક્ષામાં બનાવ્યું મીની ગાર્ડન
આ ફોટો જોઈને યુઝર્સ થયા દંગ
સોશિયલ મીડિયા એક ફોટો ખુબ ફેલાઈ રહ્યો છે, વાયરલ થઈ રહેલ ફોટામાં એક રીક્ષા ચાલકે ગરમીથી રાહત મેળવવા માટે ઇ- રીક્ષા માં મીનીગાર્ડન બનાવેલ જોઈ શકાય છે. આ ફોટો જોઈને યુઝર્સ દંગ રહી ગયા છે.
ભારતના કેટલાક રાજ્યોમાં ગરમી સતત વધતી જોવા મળી રહી છે જેના કારણે જનજીવન ખોરવાય રહ્યું છે પર્યાવરણમાં સતત થતાં ફેરફારોને કારણે આ ગરમીનું તાપમાન વધતું જાય છે. આ ગરમીથી બચવા માટે લોકો અવનવા પ્રયત્નો કરતા રેતા હોય છે.
આ વધતી ગરમીમાં લોકો તાપથી બચવા માટે અનેક જુગાડ જોવા મળી રહ્યો છે. ત્યારે હાલમાં જ એક ફોટો સોશિયલ મીડિયામાં ફરતો જોવા મળ્યો છે. જેમાં એક ઇ- રિક્ષા ચાલકે ગરમીથી બચવા માટે તેની રિક્ષાની છત પર નાનો બગીચો બનાવેલ જોવા મળી રહ્યો છે.
આ ફોટાને ઇરિક સોલહમ દ્વારા ટ્વિટર પર શેર કરવામાં આવ્યો હતો. આ ફોટોમાં જોવા મળે છે કે એક માણસ રિક્ષામાં બેઠેલો છે. આ રિક્ષા બજારો માં મળતી રિક્ષા કરતાં અલગ છે. આનો ઉદ્દેશ્ય માત્ર એ છે કે તેમાં સવારી કરતાં મુસાફરોને આવી ઉકળતી ગરમીથી રાહત મળી રહે.