ગુરૂપુષ્ય નક્ષત્ર યોગ ગૃહપ્રવેશ, નવા વેપારની શરૂઆત, રોકાણ, વાહન, સોનું, મિલકત કે કોઈ વિશેષ શુભ કાર્યો માટે ખૂબ જ અનુકુળ છે. પુષ્ય નક્ષત્ર દર મહિને આવે છે પરંતુ જ્યારે ગુરૂવારે પુષ્ય નક્ષત્રનો સંયોગ આવે ત્યારે તેને ગુરૂ પુષ્ય નક્ષત્ર યોગ કહેવાય છે.
જાણો ઑક્ટોબર 2024માં ગુરૂપુષ્ય નક્ષત્ર યોગ ક્યારે?
ગુરૂપુષ્ય નક્ષત્ર 24 ઑક્ટોબર 2024 ના રોજ છે એટલે કે ધનતેરસ અને દિવાળી પહેલાં. આ દિવસે વસ્તુ ખરીદવી શુભ માનવામાં આવે છે. એવું કહેવાય છે કે આ દિવસે વસ્તુ ખરીદવાથી લાંબો સમય ચાલે છે અને લાભ આપે છે.
ગુરૂપુષ્ય નક્ષત્રનું મહત્વ
ગુરૂ ગ્રહ અને પુષ્ય નક્ષત્રને ધન, સમૃદ્ધિ અને જ્ઞાનનું પ્રતીક માનવામાં આવે છે. બન્નેના સંયોગથી બનેલો આ યોગ ખૂબ જ શુભ હોય છે. આ સમયમાં માતા લક્ષ્મી, શનિદેવ અને ભાગ્યના કારક ગુરૂનાં આશીર્વાદ મળવાથી ગુરુપુષ્ય નક્ષત્રમાં કરવામાં આવેલા કાર્યો ફળદાયી અને સમૃદ્ધિ આપનારા છે.
પુષ્ય નક્ષત્રમાં કઈ વસ્તુ ખરીદવી જોઈએ
પુષ્પ નક્ષત્રનાં દેવતા ગુરૂ છે. જેનું મુખ્ય તત્વ સોનું છે. આથી ગુરૂ પુષ્ય યોગ દરમિયાન સોનું ખરીદવું શુભ છે. દેવી લક્ષ્મીની કૃપા પ્રાપ્ત થાય છે. પુષ્ય નક્ષત્ર પર શનિના પ્રભાવને કારણે લોખંડનું પણ મહત્વ છે.ચંદ્રના પ્રભાવથી ચાંદી ખરીદવી શુભ માનવામાં આવે છે. ગુરુ પુષ્ય નક્ષત્રમાં જમીન, મિલકત, મકાન, વાહન ખરીદવા શુભ છે.આ દિવસે દુકાનમાં દક્ષિણાવર્તી શંખ સ્થાપિત કરવાથી ધનની પ્રાપ્તિ થાય છે..