Infinixનો પહેલો ફોલ્ડેબલ સ્ક્રીન ફોન ઝીરો ફ્લિપ ભારતમાં લોન્ચ માટે તૈયાર છે. આ ફોન ભારતમાં 17 ઓક્ટોબરે લોન્ચ થશે. ચાઈનીઝ બ્રાન્ડનો આ ફોન ગ્લોબલ માર્કેટમાં લોન્ચ થઈ ચૂક્યો છે. ભારતમાં લોન્ચ થયા પહેલા જ ફોનની કિંમત અને મુખ્ય ફિચર્સ જાહેર કરવામાં આવ્યા છે. કંપનીએ ફોનની ડિઝાઇન અને કેટલાક ફીચર્સ અંગે સત્તાવાર પુષ્ટિ કરી છે. આ ઉપરાંત ફોનની કિંમત વિશે પણ એક સંકેત આપવામાં આવ્યો છે.
કિંમત લીક
Infinix Zero Flip, Motorola Razr 50 અને Samsung Galaxy Z Flip 6 જેવું જ દેખાય છે. જોકે, Infinixનો આ ફ્લિપ ફોન Motorola અને Samsungના ફ્લિપ ફોન કરતા 30 થી 40 ટકા સસ્તો હશે. ફોનની કિંમત 55,000 રૂપિયાથી ઓછી હોવાની શક્યતા છે. Infinixની બહેન કંપની Tecnoનો ફ્લિપ ફોન Phantom V Flip ભારતમાં 54,999 રૂપિયાની શરૂઆતની કિંમતે આવે છે. તે જ સમયે, વૈશ્વિક બજારમાં આ ફોનની કિંમત 600 ડોલર એટલે કે લગભગ 50,200 રૂપિયા છે.
Infinix Zero Flip ની સંભવિત સુવિધાઓ
ભારતમાં લોન્ચ થનારા Infinixના આ ફ્લિપ ફોનમાં 3.64 ઈંચની AMOLED કવર ડિસ્પ્લે હશે, જે 120Hz હાઈ રિફ્રેશ રેટને સપોર્ટ કરશે. Infinixના આ ફોનમાં 4,720mAhની બેટરી હોઈ શકે છે, જેની સાથે 70W ફાસ્ટ ચાર્જિંગ ફીચર પણ સપોર્ટ કરશે. આ ફોન 8GB ફિઝિકલ અને 8GB વર્ચ્યુઅલ રેમ ફીચર સાથે લોન્ચ થઈ શકે છે. તેમાં 512GB સુધીની ઇન્ટરનલ સ્ટોરેજ આપવામાં આવશે.
Infinixનો આ ફોન Google Gemini AIથી સજ્જ હશે, જેમાં AI ઈરેઝર, સ્માર્ટ કટઆઉટ, AI સ્કેચ જેવા ફીચર્સ આપવામાં આવી શકે છે. ઝીરો ફ્લિપમાં 6.9-ઇંચ ફ્લેક્સિબલ AMOLED ડિસ્પ્લે હશે, જે 120Hz રિફ્રેશ રેટને સપોર્ટ કરશે. Infinixનો પહેલો ફ્લિપ ફોન MediaTek Dimensity 8020 પ્રોસેસર પર કામ કરશે.
ફોનના પાછળના ભાગમાં ડ્યુઅલ કેમેરા સેટઅપ મળી શકે છે. તેમાં બે 50MP કેમેરા હશે. ફોનનો મુખ્ય કેમેરા OIS એટલે કે ઓપ્ટિકલ ઈમેજ સ્ટેબિલાઈઝેશન ફીચરને સપોર્ટ કરશે. આ સિવાય ફોનમાં 50MP સેલ્ફી કેમેરા પણ આપવામાં આવશે.