‘ધ વ્હાઇટ લોટસ’ની ત્રીજી સીઝનનો ફર્સ્ટ લુક રિલીઝ કરવામાં આવ્યો છે. તે એક અમેરિકન બ્લેક કોમેડી શ્રેણી છે, જેની પ્રથમ સિઝન 2021માં રિલીઝ થઈ હતી અને બીજી સિઝન 2022માં રિલીઝ થઈ હતી. ‘ધ વ્હાઇટ લોટસ’ની નવી સીઝન ખાસ બનવાની છે. વાસ્તવમાં, પ્રથમ સિઝનમાં જોવા મળેલી નતાશા રોથવેલ ત્રીજી સિઝનમાં વાપસી કરવા જઈ રહી છે.
‘ધ વ્હાઇટ લોટસ સીઝન 3’ના ફર્સ્ટ લૂકમાં સીરિઝના પાત્રો થાઈલેન્ડમાં રજાઓ ગાળતા જોવા મળે છે. સોશિયલ મીડિયા પર તેનો વીડિયો જાહેર કરતા મેકર્સે લખ્યું કે થાઈલેન્ડમાં નવી લક્ઝરી તમારી રાહ જોઈ રહી છે. પેટ્રિક શ્વાર્ઝેનેગર, પાર્કર પોસી, સારાહ કેથરિન હૂક, જેસન આઇઝેક્સ અને સેમ નિવોલા ફર્સ્ટ લુક વીડિયોમાં જોઈ શકાય છે.
ત્રીજી સિઝન અન્ય કારણથી ખાસ બની રહી છે. તેમાં લિસા પણ જોવા મળશે, જે દક્ષિણ કોરિયન ગર્લ ગ્રુપ ‘બ્લેકપિંક’ની સભ્ય છે. જો કે તેનો લુક હજુ જાહેર થયો નથી અને તેના ફેન્સ તેની રાહ જોઈ રહ્યા છે. સિરીઝના ટાઇટલ ક્રેડિટ્સમાં તેનું નવું નામ લલિસા મેનોબલ તરીકે લખેલું જોવા મળશે.
આ સીઝન વિશે એવું કહેવાય છે કે દીપિકા પાદુકોણે તેમાં કામ કરવાની ઓફર ફગાવી દીધી હતી. ફિલ્મ ‘ફાઈટર’ની પ્રેસ કોન્ફરન્સ દરમિયાન દીપિકાને ‘ધ વ્હાઇટ લોટસ’માં કામ કરવા અંગે એક સવાલ પૂછવામાં આવ્યો હતો, જેના વિશે તેણે કંઈ જ કહ્યું ન હતું. તમને જણાવી દઈએ કે ‘ધ વ્હાઇટ લોટસ સીઝન 3’ 2025માં રિલીઝ થશે.