Lokshabha Election : ગુજરાતની 25 લોકસભા બેઠકો પર આજે મતદાન થઈ રહ્યું છે. આ તબક્કા સાથે અહીં લોકસભાની ચૂંટણી પૂર્ણ થશે. 4 જૂને મતગણતરી થશે. ગૃહમંત્રી અમિત શાહ સહિત ચાર કેન્દ્રીય મંત્રીઓ ચૂંટણી મેદાનમાં છે.
ગુજરાતની 25 લોકસભા બેઠકો માટે 7મી મે એટલે કે આજે મતદાન શરૂ થઈ ગયું છે. અહીં સાંજે 6 વાગ્યા સુધી મતદાન ચાલશે. સુરત લોકસભા બેઠક પરથી ભાજપના ઉમેદવાર મુકેશ દલાલે બિનહરીફ ચૂંટણી જીતી છે. બાકીની 25 લોકસભા બેઠકો માટે મતદાન ચાલુ છે. ગૃહમંત્રી અમિત શાહ સહિત ચાર કેન્દ્રીય મંત્રીઓની પ્રતિષ્ઠા દાવ પર છે. 2019 અને 2014ની લોકસભા ચૂંટણીમાં ભાજપે ગુજરાતમાં તમામ 26 બેઠકો જીતી છે.