National News: લોકસભા ચૂંટણીની જાહેરાત થવાને હવે બસ ગણતરીના દિવસો બાકી છે ત્યારે કોંગ્રેસને ફરી એક ઝટકો લાગ્યો છે. કાનપુરમાં કોંગ્રેસનો ખાસ ચહેરો રહી ચૂકેલા અજય કપૂર ભાજપમાં જોડાઈ ગયા છે. કોંગ્રેસના રાષ્ટ્રીય સચિવ, બિહાર સહ ઈન્ચાર્જ તથા પૂર્વ ધારાસભ્ય અજય કપૂરે ભાજપનો ખેસ ધારણ કરી લીધો છે.
કોણ છે અજય કપૂર?
અજય કપૂર ઉત્તરપ્રદેશ વિધાનસભાના અધ્યક્ષ સતીશ મહાનાના સંબંધી પણ છે. તેમને રાજકારણમાં કોંગ્રેસના કદાવર નેતા માનવામાં આવતા હતા. અગાઉ તે કિદવઈ નગર તથા તેના પહેલા ગોવિંદ નગર વિધાનસભા ક્ષેત્રથી ત્રણ વખતના ધારાસભ્ય પણ રહી ચૂક્યા છે. મંગળવારે તેમણે તેમના એક્સ એકાઉન્ટ પરથી કોંગ્રેસનો ઉલ્લેખ પણ હટાવી દીધો હતો. હવે ભાજપ તેમને લોકસભા ચૂંટણીના મેદાને ઉતારી શકે છે.