Gujarat News: સાબરકાંઠા જિલ્લાના વિજયનગરના ભાખરા-વજેપુર રોડ પર ઝાડ સાથે બાઇક અથડાતા બાઇક સવાર ત્રણ લોકોના મોત નીપજ્યા છે. અમદાવાદથી આવતા મિત્રને લઇને પરત આવતી વખતે અકસ્માતનો બનાવ બન્યો હતો. અકસ્માતની જાણ થતાં વિજયનગર પોલીસ બનાવ સ્થળે પહોંચી હતી.
બનાવની પ્રાપ્ત પ્રાથમિક વિગત અનુસાર, સાબરકાંઠા જિલ્લાના વીરપુ મતાલી ગામના બે યુવકો બાઇક લઇને મિત્રને લેવા માટે અમદાવાદ ગયા હતા. અમદાવાદથી મિત્રને લઇને તેઓ પરત ફરી રહ્યાં હતા.
વિજયનગરના ભાખરા-વજેપુર રોડ પરથી પસાર થઇ રહ્યાં હતા. એ સમયે બાઇક પૂરપાટ ઝડપે હંકારી રહેલા બાઇક રાઇડરે કાબુ ગુમાવ્યો હતો. બાઇક રસ્તાની સાઇડમાં આવેલા ઝાડ સાથે અથડાયું હતું.
અકસ્માતની આ ઘટનામાં બાઇક સવાર ત્રણેય યુવકોને ગંભીર ઇજા પહોંચતા તેમના મોત નીપજ્યાં હતા. અકસ્માતની જાણ થતાં આસપાસના લોકો એકઠા થઇ ગયા હતા અને બનાવ અંગે વિજયનગર પોલીસને જાણ કરવામાં આવી હતી. વિજયનગર પોલીસ બનાવ સ્થળે પહોંચી હતી અને મૃતદેહોને પીએમ અર્થે ખસેડવામાં આવ્યા હતા. પોલીસને વધુ તપાસ હાથ ધરી છે.