Rajkot: રાજકોટ એસટી બસ સ્ટેન્ડ પાસે ગોજારા અકસ્માતની ઘટના બનવા પામી છે. બે ST બસની વચ્ચે આવી જતા વિદ્યાર્થીનું મોત નિપજ્યું છે. મળતી માહિતી પ્રમાણે આ વિદ્યાર્થી દ્વારકા જઈ રહ્યો હતો.
દ્વારકા જઈ રહેલા વિદ્યાર્થીનું મોત નિપજતા પરિવારમાં શોકની લાગણી છવાઈ છે. બ્રિજેશ સોલંકી નામના વિદ્યાર્થી ગોંડલના ગુંદાળા ગામનો રહેવાસી છે. અકસ્માતની ઘટના બાદ પોલીસે ઘટનાસ્થળે પહોંચી કાર્યવાહી હાથ ધરી છે.
ઉલ્લેખનીય છે કે, અમદાવાદના ધોળકા-ખેડા હાઇવે પર પણ આજે સવારે ગોજારા અકસ્માતની ઘટના બનવા પામી હતી, જેમાં એસ.ટી બસની ટક્કરે દસથી વધુ ગાયોના મોત નિપજ્યા હોવાની વિગતો સામે આવી હતી. સહિજ ગામના પાટિયા પાસેનો બનાવ હોવાના અહેવાલ મળ્યા હતા.