નાસાએ બનાવી નવી જોબ, મંગળ પર તમે એક વર્ષ રહીને ઘણું કમાઈ શકશો અને સ્પેસવોક દ્વારા તમને ખેતી પણ કરવા મળશે

દરેક વ્યક્તિ અવકાશમાં જવાનું અને રહેવાનું સપનું જુએ છે. અવકાશની દુનિયા ફિલ્મોમાં જેટલી સુંદર અને મનોરંજક લાગે છે, તે વાસ્તવિકતામાં પણ એટલી જ ખતરનાક છે. નાસા મંગળ પર મનુષ્ય માટે રહેવા માટે અનુકૂળ વાતાવરણ અને આબોહવા શોધી રહ્યું છે. દરમિયાન, સ્પેસ એજન્સી એક રસપ્રદ કામ લઈને આવી છે. આમાં એક વર્ષ સુધી મંગળ જેવા વાતાવરણમાં પૃથ્વી પર રહેવું પડશે. જેમાં સ્પેસવોકથી લઈને ખેતી સુધીની દરેક બાબતોનો સમાવેશ થાય છે. નાસા આ કામ માટે લોકોને ભારે પગાર પણ આપવા જઈ રહ્યું છે.

અમેરિકાની સ્પેસ એજન્સી નાસા મંગળ પર એક વર્ષ પસાર કરવા માટે ચાર લોકોની શોધ કરી રહી છે. એજન્સીનું કહેવું છે કે આ માટે પૃથ્વી પર એક ખાસ જગ્યા બનાવવામાં આવી છે, જ્યાં મંગળ જેવું વાતાવરણ બનાવી શકાય છે. તેને માર્સ ડ્યુન આલ્ફા નામ આપવામાં આવ્યું છે. નાસા દ્વારા પસંદ કરાયેલા લોકો 1,700 ચોરસ ફૂટના આવાસમાં રહેશે અને મંગળ મિશનના પડકારોને પહોંચી વળશે. NASA આ લોકોનું આખા વર્ષ-લાંબા મિશન દરમિયાન સતત દેખરેખ રાખશે, જેમાં “સંસાધન મર્યાદાઓ, સાધનોની નિષ્ફળતા, સંદેશાવ્યવહારમાં વિલંબ અને અન્ય પર્યાવરણીય તાણ”નો સમાવેશ થશે.

આમાં લોકોએ સ્પેસવોક, રોબોટ ઓપરેશન, રહેઠાણની જાળવણી, કસરત અને ખેતીના કામ પણ કરવા પડશે. આ નોંધપાત્ર કાર્ય માટે પસંદ કરાયેલ લોકોને તેમના સમય માટે તગડો પગાર પણ મળશે. જોકે, નાસાએ હજુ સુધી પગારનો ખુલાસો કર્યો નથી.

આ નોકરી માટે લાયકાત શું છે?
મિશન મેનેજરો તેમના યોગ્ય ઉમેદવારો પર ધ્યાન કેન્દ્રિત કરે છે. નાસાએ ફરજિયાત કર્યું છે કે આ નોકરી માટે અરજી કરનાર વ્યક્તિ માટે એન્જિનિયરિંગ, ગણિત અથવા જૈવિક, ભૌતિક અથવા કમ્પ્યુટર વિજ્ઞાનમાં યુનિવર્સિટીની ડિગ્રી ફરજિયાત છે. આ સિવાય પાયલોટ પાસે ઓછામાં ઓછો 1000 કલાકનો અનુભવ હોવો જોઈએ. અરજદાર સ્વસ્થ હોવો જોઈએ અને ધૂમ્રપાન કરતો નથી. તેની ઉંમર 30 વર્ષથી 55 વર્ષની વચ્ચે હોવી જોઈએ અને તે અમેરિકાનો કાયમી નિવાસી હોવો જોઈએ.

એજન્સીએ જણાવ્યું હતું કે, “અરજદારોએ 2 એપ્રિલ પહેલા તેમની અરજીઓ મોકલવાની રહેશે. પસંદ કરાયેલા લોકો પહેલા તાલીમમાંથી પસાર થશે અને પછી તેઓ આ વર્ષે ઓગસ્ટ મહિનામાં અભિયાન માટે રવાના થશે.