વિદ્યાર્થી દુષ્કર્મના કેસની તપાસ માટે ફેક્ટ ફાઈન્ડિંગ કમિટીની પુનઃગઠન, યુનિવર્સિટીએ હાઈકોર્ટને આપી માહિતી

ગુજરાત નેશનલ લો યુનિવર્સિટી, ગાંધીનગરમાં એક વિદ્યાર્થીની છેડતી અને બળાત્કારના કેસની તપાસ માટે ફેક્ટ ફાઇન્ડિંગ કમિટી (FFC)ની પુનઃરચના કરવામાં આવી છે. યુનિવર્સિટીએ ગુરુવારે ગુજરાત હાઈકોર્ટને આ માહિતી આપી હતી. ચીફ જસ્ટિસ સુનીતા અગ્રવાલ અને જસ્ટિસ અનિરુદ્ધ પી. માઈની ડિવિઝન બેંચ ઘટનાઓ પરના અખબારના અહેવાલના આધારે સુઓમોટુ જાહેર હિતની અરજી (PIL)ની સુનાવણી કરી રહી હતી.

બેન્ચે સુઓ મોટુ સંજ્ઞાન લીધું હતું અને યુનિવર્સિટી વહીવટીતંત્રને લો યુનિવર્સિટીમાં એક વિદ્યાર્થીની સાથે છેડતી અને બળાત્કારના કેસની તપાસ અંગેનો અહેવાલ રજૂ કરવા જણાવ્યું હતું. ગુરુવારે નેશનલ લો યુનિવર્સિટી દ્વારા સબમિટ કરવામાં આવેલા એફિડેવિટમાં કહેવામાં આવ્યું છે કે કોર્ટના નિર્દેશોને અનુસરીને તેણે વિદ્યાર્થી પર બળાત્કારની તપાસ માટે FFC અને આંતરિક ફરિયાદ સમિતિ (ICC) બંનેનું પુનર્ગઠન કર્યું છે.