DRDO માટે બીજી મોટી સફળતા, આ ઘાતક મિસાઈલનું કર્યું બેક ટુ બેક સફળ પરીક્ષણ

ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) એ ઓડિશામાં વધુ એક મિસાઈલનું સફળ પરીક્ષણ કર્યું છે. DRDO દ્વારા વિકસિત વેરી શોર્ટ રેન્જ એર ડિફેન્સ સિસ્ટમનું મંગળવારે ઓડિશાના દરિયાકાંઠે સપાટી પર પરીક્ષણ કરવામાં આવ્યું હતું. માહિતી અનુસાર, DRDOએ ઓડિશાના કિનારે ચાંદીપુર ખાતેની એકીકૃત ટેસ્ટ રેન્જથી મિસાઈલના બે બેક ટુ બેક ટેસ્ટ સફળતાપૂર્વક કર્યા.

ન્યૂઝ એજન્સી ANIએ આનો એક વીડિયો પણ શેર કર્યો છે જેમાં મિસાઈલનું સફળ પરીક્ષણ જોઈ શકાય છે. ડીઆરડીઓએ આ પહેલા પણ આ મિસાઈલનું પરીક્ષણ કર્યું છે. સંરક્ષણ મંત્રાલયે એક નિવેદનમાં જણાવ્યું હતું કે, હાઇ-સ્પીડ માનવરહિત હવાઈ લક્ષ્યો સામે જમીન-આધારિત મેન પોર્ટેબલ લોન્ચર સાથે ફ્લાઇટ પરીક્ષણો હાથ ધરવામાં આવ્યા હતા અને લક્ષ્યોને સફળતાપૂર્વક અટકાવવામાં આવ્યા હતા, તમામ મિશન ઉદ્દેશ્યોને પૂર્ણ કરવામાં આવ્યા હતા, એમ સંરક્ષણ મંત્રાલયે એક નિવેદનમાં જણાવ્યું હતું.

VSHORADS, મેન-પોર્ટેબલ એર ડિફેન્સ સિસ્ટમ, ટૂંકી રેન્જ અને નીચી ઉંચાઈ પર હવાઈ જોખમોને બેઅસર કરી શકે છે. તે જ સમયે, સંરક્ષણ પ્રધાન રાજનાથ સિંહે કહ્યું કે નવી તકનીકોથી સજ્જ મિસાઈલ સશસ્ત્ર દળોને વધુ તકનીકી પ્રોત્સાહન આપશે.

તમને જણાવી દઈએ કે, અગાઉ જાન્યુઆરીમાં, DAC એ એર ડિફેન્સ હથિયારો અને સ્વદેશી હેલિકોપ્ટર-લૉન્ચ્ડ એન્ટી-ટેન્ક ગાઇડેડ મિસાઇલો સહિત 4,276 કરોડ રૂપિયાના સૈન્ય હાર્ડવેરની ખરીદીને મંજૂરી આપી હતી. DAC એ ભારતની સર્વોચ્ચ શસ્ત્રો પ્રાપ્તિ સંસ્થા છે.

#WATCH | Flight test of DRDO-developed 'Very Short Range Air Defence System' conducted off the coast of Odisha. pic.twitter.com/mtnDoMaw2O

— ANI (@ANI) March 14, 2023

આ અંગે માહિતી આપતાં રક્ષા મંત્રાલયે કહ્યું કે PTO શાફ્ટનું પ્રથમ સફળ પરીક્ષણ LCA તેજસ લિમિટેડ સિરીઝ પ્રોડક્શન (LSP)-3 એરક્રાફ્ટ પર કરવામાં આવ્યું હતું. આ સફળ પરીક્ષણ સાથે, મંત્રાલયે જણાવ્યું હતું કે, DRDO એ જટિલ હાઇ-સ્પીડ રોટર ટેક્નોલોજીને સાકાર કરીને એક મોટી તકનીકી સિદ્ધિ હાંસલ કરી છે, જે માત્ર થોડા દેશોએ હાંસલ કરી છે.