મહારાષ્ટ્રના નાસિકમાં શુક્રવારે સવારે એક ભયાનક માર્ગ અકસ્માત થયો હતો. અહીં એક સ્પીડમાં આવતી બસ એક ટ્રક સાથે અથડાઈ હતી, જેમાં 10 લોકોના મોત થયા હતા. પોલીસ અધિકારીઓએ જણાવ્યું કે, આ અકસ્માતમાં ઘણા લોકો ઘાયલ પણ થયા છે. મહારાષ્ટ્રના મુખ્યમંત્રી એકનાથ શિંદેએ નાસિક-શિરડી હાઈવે પર બસ દુર્ઘટનામાં જાનહાનિ પર શોક વ્યક્ત કર્યો છે. મૃતકોના પરિવારજનોને પાંચ-પાંચ લાખ રૂપિયાની સહાયની જાહેરાત કરવામાં આવી છે. મુખ્યમંત્રીએ સંબંધિત અધિકારીઓને ઘટનાની તપાસના આદેશ આપ્યા છે.
પ્રાપ્ત માહિતી અનુસાર, આ અકસ્માત સવારે લગભગ સાત વાગ્યે થયો હતો. બસ થાણે જિલ્લાના અંબરનાથથી શિરડી તરફ જઈ રહી હતી. દરમિયાન, નાસિકના સિન્નર તાલુકામાં પથારે પાસે એક ટ્રકની ટક્કર થઈ હતી. મૃતકોમાં સાત મહિલાઓ, બે બાળકો અને એક પુરુષનો સમાવેશ થાય છે, એમ પોલીસે જણાવ્યું હતું. ઘાયલોને સિન્નરની સ્થાનિક હોસ્પિટલમાં દાખલ કરવામાં આવ્યા છે. અધિકારીઓનું કહેવું છે કે કેટલાક ઘાયલોની હાલત નાજુક છે, આ સ્થિતિમાં મૃત્યુઆંક વધી શકે છે.
પોલીસ અધિકારીઓએ જણાવ્યું કે એક ખાનગી લક્ઝરી બસ થાણે જિલ્લાના અંબરનાથથી અહમદનગર જિલ્લાના શિરડી જઈ રહી હતી. મુંબઈથી લગભગ 180 કિલોમીટર દૂર નાસિકના સિન્નર તહસીલના પથારે શિવર પાસે સવારે 6.30 વાગ્યે આ અકસ્માત થયો હતો. મૃતકોમાં સાત મહિલાઓ, બે બાળકો અને એક પુરુષનો સમાવેશ થાય છે. ઘાયલોને સિન્નર ગ્રામીણ હોસ્પિટલ અને યશવંત હોસ્પિટલમાં લઈ જવામાં આવ્યા હતા. ઘાયલોમાં કેટલાકની હાલત ગંભીર હોવાનું કહેવાય છે.