ગુજરાત વિધાનસભા ચૂંટણીનું કાઉન્ટડાઉન સ્ટાર્ટ થઇ ચૂક્યું છે. જેને લઈ રાજકીય પક્ષો પણ તડામાર તૈયારીઓ શરૂ કરી દીધી છે. રાજકીય આગેવાનો પક્ષ પલટાઓ કરી રહ્યા છે. ત્યારે ગુજરાત વિધાનસભાની ચુંટણીને લઇને પક્ષ પલટાની મોસમ બરાબરની જામી છે. પોત-પોતાના પક્ષથી નારાજ નેતાઑ પાટલી બદલી રહ્યા છે. તેવામાં કોંગ્રેસને સૌથી મોટો ફટકો પડ્યો છે. ફરી એકવાર ગુજરાત કોંગ્રેસ તુંટી છે અને કોંગ્રેસના ધારાસભ્ય મોહન રાઠવાએ કોંગ્રેસમાંથી રાજીનામું આપ્યું છે. તેઑ સૌથી વધુ વખત ધારાસભ્ય બનવાનો રેકોર્ડ ધરાવવા ઉપરાંત આદિવાસી સમાજમાં બહોળી ચાહના ધરાવે છે. કોંગ્રેસના આ ધારાસભ્ય પોતાના સમર્થકો સાથે ભાજપમાં જોડાશે. આજે સાંજે 5 વાગ્યે કમલમ ખાતે ભાજપનો કેસરિયો ધારણ કરશે. જેને પગલે આગામી ચુંટણીમાં કોંગ્રેસને માઠા પરિણામ ભોગવવા પડે તો નવાઇ નહીં!
મોહનસિંહ રાઠવા કોણ છે?
- સૌથી વધુ વખત ધારાસભ્ય બનવાનો ધરાવે છે રેકર્ડ
- 1972થી અત્યાર સુધી મોહનસિંહ રાઠવા 8 વખત ધારાસભ્ય બન્યા
- ચૂંટણી ન લડવાની અગાઉ જાહેરાત કરી હતી
- થોડા સમય પહેલા રાજેન્દ્ર ત્રિવેદીએ મોહનસિંહ રાઠવાના વખાણ કર્યા હતા
- મોહનસિંહ રાઠવા પાસેથી સભ્યોને ગૃહની ગરિમાના પાઠ શિખવા કરી હતી ટકોર