આ હિરોઇને કર્યું મોટું રીવિલ! કહ્યું “રણબીર કપૂર પર મને જબરદસ્ત ક્રશ હતો”

• દિશા પટની વર્ષ 2015માં એક કેડબરીની જાહેરાતથી પ્રખ્યાત થઇ હતી

• દિશાનો ચાઇલ્ડહુડ ક્રશ રણબીર કપૂર હતો

• રણબીર કપૂરની ખૂબ જ મોટી ફેન રહી છે

દિશા પટની બોલીવૂડની હોટ અને ફિટ અભિનેત્રીઓમાની એક છે. દિશા પટની વર્ષ 2015માં એક કેડબરીની જાહેરાતથી પ્રખ્યાત થઇ હતી. શું પણ તમે જાણો છો દિશાનો પણ ચાઇલ્ડહુડ ક્રશ બોલીવૂડનો ચોકલેટી બોય તરીકે ઓળખાતો રણબીર કપૂર હતો. આલિયા ભટ્ટ જ નહી પણ દિશા પાટનીનો પણ ચાઇલ્ડહુડ ક્રશ રણબીર કપૂર રહી ચૂક્યો છે. જી હા,દિશા પાટનીએ ખુલાસો કર્યો છે,કે તે રણબીર કપૂરની ખૂબ જ મોટી ફેન રહી છે. જેના કારણે તેનો અકસ્માત થતા બચી ગયો છે.

એક ઇન્ટરવ્યૂહમાં દિશાએ કહ્યું હતુ કે, “જ્યારે હું સ્કૂલમાં હતી ત્યારે હું રણબીરની ખૂબ જ મોટી ફેન હતી. રણબીરને કારણે મારી ઘણી દુર્ઘટના થઈ છે કારણ કે મારા શહેરમાં રણબીરના ઘણા પોસ્ટર્સ હતા,અને હું તે પોસ્ટરને જોતી રહેતી હતી. મને લાગે છે કે, તે કોઈ બ્રાન્ડ એન્ડોર્સ કરી રહ્યો હતો. સ્કૂટર ચલાવતી વખતે હું તેમની સામે જોતી રહેતી હતી.” દિશાએ પોતાના મનની વાત રણબીરને કરી છે? આ પ્રશ્નના જવાબમાં દિશા પટનીએ જણાવ્યુ કે,અત્યાર સુધીતો નથી જણાવ્યુ પણ હવે રણબીરને આ વાત જરુર કહીશ.

દિશાના વર્ક ફ્રન્ટ વિશે વાત કરીએ તો,તેણે તેલુગુ ફિલ્મ લોફરથી તેની કારકિર્દીની શરૂઆત કરી હતી. તે 2016ની ફિલ્મ એમએસ ધોનીમાં તેમની ગર્લફ્રેન્ડ પ્રિયંકા ઝાની ભૂમિકામાં હતી, જેમાં સુશાંત સિંહ રાજપુત પણ હતા. આ પછી તે સલમાન ખાન સાથે ફિલ્મ ભારત અને રાધેમાં જોવા મળી છે. તેની ફિલ્મ એક વિલન રિટર્ન્સ  29 જુલાઈએ રિલીઝ થઇ.