બ્રહ્માંડની ઉત્પતિ જાણવા વૈજ્ઞાનિકોએ શરૂ કર્યું મહામશીન જાણો શું છે આ મશીન

• વિશ્વના સૌથી શક્તિશાળી મશીનને ફરી એકવાર શરૂ કરવાની તૈયારીઓ

• લાર્જ હેડ્રોન કોલાઈડર (LHC) તરીકે ઓળખાય છે

• નિર્માણ કોઈ ખાસ વસ્તુ બનાવે તેવા કણોનો અભ્યાસ કરવા માટે કરવામાં આવ્યું

બ્રહ્માંડમાં જીવનની ઉત્પત્તિ કેવી રીતે થઈ તે સમજવા માટે, વિશ્વના સૌથી શક્તિશાળી મશીનને ફરી એકવાર શરૂ કરવાની તૈયારીઓ ચાલી રહી છે. આ મહામશીન દ્વારા તેને સમજવાનો પ્રયાસ કરવામાં આવશે, જે લાર્જ હેડ્રોન કોલાઈડર (LHC) તરીકે ઓળખાય છે. આ મશીન દ્વારા 10 વર્ષ પહેલા એટલે કે જુલાઈ 2012માં ગોડ પાર્ટિકલની શોધ થઈ હતી. જાણો શું છે શાનદાર મશીન અને તે કેવી રીતે કામ કરે છે.

લાર્જ હેડ્રોન કોલાઈડર (LHC) એક વિશાળ અને જટિલ મશીન છે. તેનું નિર્માણ કોઈ ખાસ વસ્તુ બનાવે તેવા કણોનો અભ્યાસ કરવા માટે કરવામાં આવ્યું છે. જ્યારે આ મશીન કામ કરવાનું શરૂ કરે છે, ત્યારે લગભગ 13.6 ટ્રિલિયન ઈલેક્ટ્રોવોલ્ટ એનર્જી રિલિઝ થાય છે.

આ મહામશીનને તૈયાર કરવામાં લગભગ 31 હજાર કરોડ રૂપિયાનો ખર્ચ કરવામાં આવ્યો છે. આ શરૂ કરવાનો ધ્યેય ડાર્ક મેટર અને બ્લેક હોલ વિશે માહિતી એકઠી કરવાનો છે અને તેનાથી જોડાયેલા રહસ્યો પરથી પડદો હટાવવાનો છે. આ મશીન ચલાવવા માટે ખાસ તાપમાન જરૂરી છે. Space.com ના રિપોર્ટ અનુસાર, આ માટે માઈનસ 271 ડિગ્રી સેલ્સિયસ તાપમાન જરૂરી છે.

નવો પ્રયોગ ફ્રાન્સ અને સ્વિટ્ઝર્લેન્ડની સરહદ પર કરવામાં આવશે. આ સરહદ પર, પૃથ્વીથી લગભગ 100 મીટર નીચે, તેનો ઉપયોગ 27 કિલોમીટર લાંબી ટનલમાં કરવામાં આવશે. બ્રહ્માંડ વિશે કેવી રીતે જાણવું, હવે દરેક તેને સમજસે. વૈજ્ઞાનિકોનું કહેવું છે કે, આ મશીનના ઉપયોગ પછી જ્યારે પ્રોટોન તૂટશે ત્યારે મોટા પાયે ઉર્જાનું સર્કુલેશન થશે, જેના પરથી જાણી શકાશે કે બ્રહ્માંડની કાર્ય કરવાની રીત શું છે?

તેને બનાવવા માટે ફ્રાન્સને એટલા લોખંડની જરૂર પડી હતી કે એક એફિલ ટાવર ઊભો કરી શકાય. આ મશીન ફરીથી ઉપયોગમાં લેવા માટે, તે એપ્રિલમાં સક્રિય કરવામાં આવ્યું હતું. હવે બ્રહ્માંડમાં જીવનની ઉત્પત્તિ કેવી રીતે થઈ તેની માહિતી આપવા માટે આ મશીન 4 મહિના સુધી 24 કલાક કામ કરશે. આ દરમિયાન વૈજ્ઞાનિકોની લાંબી અને વિશાળ ટીમ સંશોધન કરશે.