પીવી સિંધુનો મલેશિયા માસ્ટર્સની ક્વાર્ટર ફાઇનલમાં પ્રવેશ
તેનો મુકાબલો તાઈપૈની તાઈ ઝુ યિંગ સામે થશે
અંતિમ આઠમાં ચીન સામે મુકાબલો થશે
ભારતીય બેડમિન્ટન સ્ટાર પીવી સિંધુએ ચીનની ઝાંગ યી માનને સીધી ગેમમાં હરાવીને મલેશિયા માસ્ટર્સની ક્વાર્ટર ફાઇનલમાં પ્રવેશ કરી લીધો છે. બે વખતની ઓલિમ્પિક મેડલ વિજેતા સાતમી રેન્કિંગ સિંધુએ 32મી રેન્કિંગ વાળી યી માનને 28 મિનિટમાં 21-12, 21-10થી હરાવી હતી.
હવે તેનો મુકાબલો અંતિમ આઠમાં ખેલાડી ચીની તાઈપૈની તાઈ ઝુ યિંગ સામે થશે. વિશ્વની બીજા નંબરની ખેલાડી સામે સિંધુનો રેકોર્ડ 5-16નો છે. તેણે ગયા અઠવાડિયે મલેશિયા ઓપનમાં પણ સિંધુને હરાવી હતી.
મેન્સ સિંગલ્સમાં બી સાઈ પ્રણીતને ચીનના લી શી ફેંગે 21-14, 21-17થી હરાવ્યો હતો. સાંજે એચએસ પ્રણોય અને પારુપલ્લી કશ્યપ વચ્ચે પણ મેચ રમાશે.