જમ્મુ કાશ્મીરમાં સેનાનુ મોટું ઓપરેશન: છેલ્લા 18 કલાકમાં 7 આતંકીઓને કર્યા  ઠાર

• કુલ ચાર આતંકીઓને ઠાર કરવામાં આવ્યા

• ઘટનાસ્થળેથી હથિયાર અને દારૂગોળા જપ્ત કરવામાં આવ્યા છે.

• પુલવામામાં પણ  ત્રણ આતંકીઓ ઠાર કરવામા આવ્યા હતા.

જમ્મુ કાશ્મીરમાં આતંકીઓ વિરુદ્ધ સેનાનું ઓપરેશન ચાલી રહ્યું હતું . કુપવાડામાં એન્કાઉંટરમાં સુરક્ષાદળોએ વધુ બે આતંકીઓને ઠાર કર્યા હતા. અહીં પર અત્યાર સુધીમાં કુલ ચાર આતંકીઓને ઠાર કરવામાં આવ્યા હતા રવિવારે અહીં ભારે ગોળીબારની વચ્ચે બે પાકિસ્તાની આતંકીઓને મારી નાખવામાં આવ્યા હતા. કુપવાડા ઉપરાંત કુલગામ અને પુલવામામાં પણ અથડામણ થઈ હતી. એક રિપોર્ટમાં જણાવ્યા અનુસાર, 18 કલાકમાં 3 એન્કાઉંટરમાં 7 આતંકી માર્યા ગયા છે. કુપવાડામાં લશ્કરના 4, કુલગામમાં જૈશના 2 અને પુલવામામાં લશ્કરનો એક આતંકી માર્યો ગયો છે.

કાશ્મીર ઝોન પોલીસે જણાવ્યું હતું કે, કુપવાડા એન્કાઉંટરમાં માર્યા ગયેલા બે આતંકીઓ શૌકત નામ પણ સામેલ છે. ઘટનાસ્થળેથી હથિયાર અને દારૂગોળા જપ્ત કરવામાં આવ્યા છે. તેમજ  સર્ચ ઓપરેશન હાલમાં પણ ચાલુ છે. આ ઉપરાંત કુલગામ અને પુલવામામાં પણ  ત્રણ આતંકીઓ ઠાર કરવામા આવ્યા હતા. પોલીસ અધિકારી વિજય કુમારે જણાવ્યું હતું કે, કુપવાડામાં માર્યા ગયેલા એક આતંકીની ઓળખાણ પાકિસ્તાની નાગરિક તરીકે થઈ છે. જેનો સંબંધ લશ્કરે તૈયબા સાથે હતો. બીજો આતંકી પણ લશ્કરનો હોવાનું કહેવાય છે.