મેડીકલ ક્ષેત્રે વધુ એક સિદ્ધિ: બકરીનાં કાનનાં કાર્ટિલેજની મદદથી દર્દીઓની શારીરિક વિકૃતિ કરાઈ દૂર 

• દેશની સરકારી હોસ્પિટલે એક મોટી સિદ્ધિ હાંસલ કરી છે

• દર્દીઓને બકરીના કાર્ટિલેજનો ઉપયોગ કરીને સર્જરી કરવામાં આવી

• 25 લોકોમાં શારીરિક વિકૃતિ દૂર કરવામાં સફળતા મેળવામાં આવી છે.

દેશની સરકારી હોસ્પિટલે એક મોટી સિદ્ધિ હાંસલ કરી છે. પશ્ચિમ બંગાળની આ સરકારી હોસ્પિટલ અને યુનિવર્સિટીના સંશોધકોની એક ટીમે એક મોટો દાવો કર્યો છે. જે મુજબ બકરીના કાનની કાર્ટિલેજનો ઉપયોગ કરીને ઓછામાં ઓછા 25 લોકોમાં શારીરિક વિકૃતિ દૂર કરવામાં સફળતા મેળવામાં આવી છે.આરજી કર મેડિકલ કોલેજ અને હોસ્પિટલના ડોકટરો અને પશ્ચિમ બંગાળ યુનિવર્સિટી ઓફ એનિમલ એન્ડ ફિશરી સાયન્સના વૈજ્ઞાનિકોએ બકરીના કાનની કાર્ટિલેજનો ઉપયોગ માઇક્રોટીયા (બાહ્ય કાનની જન્મજાત ખોડખાંપણ), ફાટેલા હોઠ અને અકસ્માતોને કારણે થતી અન્ય શારીરિક વિકૃતિઓની સારવાર માટે કર્યો હતો.

પ્રાણીઓના શરીરમાં પ્રાયોગિક ઉપયોગ કર્યા પછી, RG કાર હોસ્પિટલમાં અમુક પ્રકારની વિકૃતિ જેમકે  નાક અને કાનની રચના ધરાવતા 25 દર્દીઓ પર તેને લાગુ કરવાનો નિર્ણય લેવામાં આવ્યો હતો  દર્દીઓને  બકરીના કાર્ટિલેજનો ઉપયોગ કરીને સર્જરી કરવામાં આવી અને થોડા સમય પછી, ડોકટરોને તેમાંથી મોટાભાગનામાં ખૂબ સારા પરિણામો મળ્યા.