રાજકોટના ખ્યાતનામ મોન્ટુ મહારાજ અને ટીમે શ્રીનાથજીની ઝાખીમાં મુંબઈને કર્યું મંત્રમુગ્ધ

• રાજકોટના કલાકારોની ટીમે મુંબઈ વાસીઓને ડોલાવ્યા

• શ્રીનાથજીની ઝાખીમાં કર્યું પરફોર્મન્સ

• પરમ પૂજ્ય જે જે શ્રી વ્રજરાજકુમારજી મહોદય રહ્યા ઉપસ્થિત

રાજકોટના નાની ઉમરમાં મોટી નામના ધરાવતા સુપ્રસિદ્ધ સિંગર મોન્ટુ મહારાજ દ્વારા મુંબઈ વિલેપાર્લે મુકેશ પટેલ ઓડિટોરિયમ ખાતે ભવ્યથી ભવ્ય ભગવાન શ્રી નાથજી સરકારની આઠ સમાની ઝાંખી સાથે મહાપ્રભુજી પ્રાગટ્ય રજુ કરવામાં આવ્યું હતું. રાજકોટના સુપ્રસિદ્ધ ગાયક મોન્ટુ મહારાજ અને તેમની ટીમે સ્વર રેલાવીને માયાનગરી મુંબઈ વાસીઓને ડોલાવ્યું હતું. મુંબઈના હિતેશ જગત પારેખ કે જેઓ મુખ્ય યજમાન હતા, તેમના દ્વારા આ ભવ્ય આયોજન કરવામાં આવ્યું હતું.

મુંબઈ ખાતે યોજાયેલ શ્રી નાથજીની ઝાખીમાં પરમ પૂજ્ય જે જે શ્રી વ્રજરાજકુમારજી મહોદય તેમજ ફાલ્ગુનીબેન પાઠક ખાસ ઉપસ્થિત રહ્યા હતા.ખાસ આ પ્રસંગે ઉપસ્થિત મહાનુભાવો અને સાધુસંતોની હાજરીમાં રાજકોટના કલાકારો તેમજ મોન્ટુ મહારાજની ૪૨ કલાકારોની ટીમે મુંબઈને ડોલાવ્યું હતું. મોન્ટુ મહારાજ અને તેમની ટીમના પરફોર્મન્સથી વાતાવરણ ભક્તિમય બની ગયું હતું.