ટીવી એક્ટ્રેસ તેજસ્વી પ્રકાશની બોલીવુડમાં ડેબ્યુ કરવાની તૈયારી : જાણો કઈ ફિલ્મમાં કરશે કામ

• અભિનેત્રી ટીવીની દુનિયા છોડીને બોલીવુડ પર રાજ કરવાની તૈયારી કરી રહી છે

• ‘બિગ બોસ 15’ની ટ્રોફી જીતનાર તેજસ્વી પ્રકાશ પાસે આજે કામની કોઈ કમી નથી

• ફિલ્મ ડ્રીમ ગર્લ 2 માં હિરોઈન તરીકે પસંદ થઇ શકે

‘બિગ બોસ 15’ની ટ્રોફી જીતનાર તેજસ્વી પ્રકાશ પાસે આજે કામની કોઈ કમી નથી. રિયાલિટી શો પૂરો થયા બાદ તેને ‘નાગિન 6’માં કામ કરવાની તક મળી અને હવે સમાચાર આવી રહ્યા છે કે ખૂબજ ઝડપથી તેજસ્વી બોલિવૂડ અભિનેત્રી બનવા જઈ રહી છે. મીડિયા રિપોર્ટ્સ અનુસાર, તેજસ્વી પ્રકાશને એક મોટા બજેટની ફિલ્મ મળી છે અને તે એક મોટા હીરોની સાથે જોવા મળશે.

ટીવી શો નાગીન 6 માં પોતાનું કિરદાર નિભાવનારી ટીવી અભિનેત્રી તેજસ્વી પ્રકાશ જ્યારથી ‘બિગ બોસ 15’નો એવોર્ડ પોતાના નામે કર્યો ત્યારથી ખૂબજ ચર્ચામાં રહે છે. આ દિવસોમાં તેજસ્વી ટીવી શો ‘નાગિન 6’માં જોવા મળી રહી છે. આ સિવાય ટીવી સીરિયલના સ્ટાર્સ પણ પોતાની લવ લાઈફને લઈને ચર્ચામાં રહે છે.

પરંતુ હવે અભિનેત્રી સાથે જોડાયેલા એક મોટા અને રસપ્રદ સમાચાર સામે આવી રહ્યા છે. મીડિયામાં ફેલાયેલા સમાચાર મુજબ, અભિનેત્રી ટીવીની દુનિયા છોડીને બોલીવુડ પર રાજ કરવાની તૈયારી કરી રહી છે અને આ માટે અભિનેત્રીને એક મોટી તક મળી છે.

તાજેતરના અહેવાલો અનુસાર, તેજસ્વી પ્રકાશને હાથ ફિલ્મ સ્ટાર આયુષ્માન ખુરાનાની અપકમિંગ ફિલ્મ ડ્રીમ ગર્લ 2 માં હિરોઈન તરીકે પસંદ કરવામાં આવી છે. એક અહેવાલમાં દાવો કરવામાં આવ્યો છે કે તેજસ્વી પ્રકાશે નિર્દેશક રાજ શાંડિલ્યાની ફિલ્મ ‘ડ્રીમ ગર્લ 2’ માટે તેનું ઓડિશન આપ્યું છે.

આયુષ્માન ખુરાના અને નુસરત ભરૂચા સ્ટારર ફિલ્મ ‘ડ્રીમ ગર્લ’નો પહેલો ભાગ વર્ષ 2019માં રિલીઝ થયો હતો. તે સમયે આ ફિલ્મ ઘણી હિટ સાબિત થઈ હતી. હવે ફિલ્મ નિર્માતા તેના બીજા ભાગની તૈયારી કરી રહ્યા છે. જેના માટે આયુષ્માન ખુરાનાનું બુકિંગ થઈ ચૂક્યું છે અને તેજસ્વીએ આ ફિલ્મની અભિનેત્રી માટે ઓડિશન આપ્યું છે.

તેજસ્વી પ્રકાશને આ દિવસોમાં પ્રોજેક્ટ પર પ્રોજેક્ટ મળી રહ્યા છે. કેટલાક રિપોર્ટ્સમાં એવું પણ કહેવામાં આવી રહ્યું છે કે તેજસ્વીને એકતા કપૂર દ્વારા ‘રાગિણી MSS’નો આગામી હપ્તો ઑફર કરવામાં આવ્યો હતો. પરંતુ તેણી તેના માટે સંમત ન હતી. તેનું કારણ ફિલ્મની વિવાદાસ્પદ શૈલી હતી.

આ પછી અભિનેત્રીને લઈને ‘ડ્રીમ ગર્લ 2’ માટે વાતચીત ચાલી રહી છે. આ માટે તેણે ઓડિશન પણ આપ્યું છે. જોકે મેકર્સે હજુ સુધી તેને ફાઈનલ કર્યું નથી. પરંતુ ખૂબજ સંભાવના છે કે આ ફિલ્મમાં અભિનેત્રીની એન્ટ્રી થઈ જશે.